ಕೃಷ್ಣ

ಕೇಳಲಿಲ್ಲ ಮೊರೆ
ಕಾಣಲಿಲ್ಲ ಮೋರೆ
ಎದುರು ಬಾರೆ
ಮೊಗವ ತೋರೆ
ಕಾಣೆಯಾಯಿತು ತಾರೆ
ಸರಿಸು ನಸುಕಿನತೆರೆ

ಸದ್ದೇ ಮಾಡುತ್ತಿಲ್ಲ

ಸದ್ದೇ ಮಾಡುತಿಲ್ಲ
ನಿನ್ನ ರಥ ಚಕ್ರ ಪಾಂಚಜನ್ಯ
ಮುರಿಯಲಾಗುತಿಲ್ಲವೇ
ಶ್ರುತಕೀರ್ತಿಗಿತ್ತ ವರ
ಹೋಯಿತೆಲ್ಲಿ
ನಿನ್ನ ಯದಾ ಯದಾ
ನಾವೆಲ್ಲ
ಬೇಡುತಿಹೆವು
ದಯ ದಯ

ಕುಬ್ಜನಾಗಿದ್ದುಬಿಡುವೆ

ಭೋರ್ಗರೆವ ಸದ್ದು ಹೊರಗೆ
ನೆನಪ ಕಲರವ ಒಳಗೆ

ದೂರದಲ್ಲಿ ಕೇಳುತಿತ್ತು
ನಾನಿನಗೆ ಜೋಡಿ ಅಲ್ಲವೇನು

ಪಾತಾಳ ಗರಡಿಹಿಡಿದು
ಕತ್ತಲಲಿ ಕೆಳಗಿಳಿದು
ದೊರೆಯದ್ದರ ಶೋಧ

ಅಂತರಾಳದೊಳೆಲ್ಲೂ
ಕೇಳಲಿಲ್ಲ
ನಿನ್ನಹೃದಯ ಬಡಿತ
ಇಲ್ಲಿ ಬರೀ ವ್ಯರ್ಥ ತುಡಿತ

ಕಟ್ಟಡಮೇಲೇರಿದಷ್ಟು
ಆಳ ಪಾಯ
ನಮಬಂಧಕಪಾಯ

ಕಿಡಕಿ ಗಾಳಿ ಉಲ್ಲಾಸ
ನನಗೆ
ಒಳಗೆ ಬಿರು ಸೆಖೆ ನಿನಗೆ

ನಿನಗೇನು ಗೊತ್ತು
ನೀ ಕೇಳಬಹುದು
ಕಣ ಕಣಕೆ ಚಣ ಚಣವೂ
ಉಣ ಬಡಿಸುವಾಹ್ಲಾದ ?

ಅನಿಸುತ್ತದೆ
ನಾಬೆಳೆವುದೂ ಬೇಡ
ನೀ ಆಳಕಿಳಿವುದೂ ಬೇಡ
ನಾ ಕುಬ್ಜನಾಗಿದ್ದುಬಿಡುವೆ
ಹುಡುಗಿ

ನನಸು 2

ದಿನಗಳುರುಳುತ್ತಿವೆ
ಅಗಮನಕೆ
ದಿನಗಳೆಣಿಕೆ
ನಡೆಯುತ್ತಿದೆ
ಬಲಿಯಾಗದ ಸಮಯ
ಬದುಕಿಗರ್ಥ ಕಾಣುವ ಪರಿ
ನಡುವೆ
ಹೊಯ್ದಾಡುತ್ತಿದೆ ಜೀವನ

ಸಮಯವೇ ಚಿಂತೆ
ಉರುಳದೆಂದು
ಬೇಸತ್ತಿದೆ
ನಿತ್ಯ ಜಪಮಾಡು
ಮನದಲಿ
ಬೇಗಬಾರೆಂದು
ಬೇಗೆ ತೀರೆಂದು
ನೀನೇ ನನ್ನಯ ಬಿಂಬ
ಬೆರಿನ್ನೇನಿಲ್ಲ

ನನಸು೧

ಹುಟ್ಟದಾನಿನ್ನಿಂದ
ನಿರೀಕ್ಷಿಸಲೇನಿದೆ ಕಂದ
ಹುಟ್ಟಿಬಾ
ನಗುತ ಬಾ
ಊನರಹಿತವಾಗಿ ಬಾ
ಮನಗಳು 
ಜಿಡ್ಡುಹಿಡಿಯುತಿವೆ
ಅದ ನೀ ಬೆಸೆ ಬಾ
ಸಾಮಾಜಿಕ ತೊಡರ
ನೀಗಿಸುವ
ಮುಗ್ಧ ನಗೆಯ
ಬೀರುಬಾ
ಆರಾಗಿಹರನೇಳು
ಮಾಡುಬಾ

ಗೋಪಾಲ

ಸದ್ದೇ ಮಾಡುತಿಲ್ಲ
ನಿನ್ನ ರಥ ಚಕ್ರ ಪಾಂಚಜನ್ಯ,
ಮುರಿಯಲಾಗುತಿಲ್ಲವೇ
ಶ್ರುತಕೀರ್ತಿಗಿತ್ತ ವರ?
ಹೋಯಿತೆಲ್ಲಿ
ನಿನ್ನ ಯದಾ ಯದಾ ,
ನಾವೆಲ್ಲ
ಬೇಡುತಿಹೆವು
ದಯ ದಯ

ಕಿಡಿ

ಹೊತ್ತಿದೆ ಕಿಡಿ,
ಕಾಪಿಡು
ಗಾಳಿನೀಡು
ಬಿರುಗಾಳಿಯ ತಡೆ
ಉರುವಲ ನೀಡು
ಉಸಿರುಗಟ್ಟಿಸದೆ
ಹೊಗೆ ಕೆಮ್ಮು
ಬರದಂತೆ
ಆತುರ ಬೇಡ,
ತಾಳ್ಮೆ ಕಾಳಜಿಯೆ
ಗೆಲುವಿ ಸೂತ್ರ

ಅರಿವು

ಮುನ್ನುಗ್ಗಿ ನಡೆನೀ,
ಜಾತಿ ಕುಲಗಳ ಮೀರಿ
ಮಂದಿರ ಮಸೀದಿಗಳನು 
ಮರೆತು
ಹಿರಿಯ ಕಿರಿಯರೆನ್ನದೆ
ಮೇಲು ಕೀಳೆಂದೆನ್ನದೆ
ಅಂಧಾಕಾರವನೆಲ್ಲ
ತೊಡೆದು
ನಾವೆಲ್ಲರೊಂದೆ
ಎಂದರಿವಿನೆಡೆಗೆ
ದೀಪಕ್
🙏🏿

ಕುರುಬನೊಬ್ಬ ಬೇಕು

ಕುರುಬನೊಬ್ಬ ಬೇಕು
ಮೆಂದೆ ಚದುರಿ ಹೋಗದಂತೆ
ಬ್ಯಾ ಬ್ಯಾ ರಾಗ ಹೊರಡಿಸುವಂತೆ
ದೊಡ್ಡಿಹಾದಿಯ ತೋರಲು
ಕುರುಬನೊಬ್ಬ ಬೇಕು

ತುಪ್ಪಳ ಅತಿಯಾಗದಂತೆ
ನೆರೆಯ ನೆಲವನು ಮೇಯದಂತೆ
ಚುಟುಕು ಹುಲ್ಲನು ಮೆಯಿಸುತ್ತ
ಹುಲಿಯ ಬಾಯಿಗೆ
ಬೀಳದಂತೆ ಕಾಯಲು,
ದೊಡ್ಡಿಗೂ ಹುಲ್ಲು ಹೊರುವಂತ
ಕುರುಬನೊಬ್ಬ ಬೇಕು
ಈ ಸಾಹಿತ್ಯ ಪಯಣಕೆ
ಕುರುಬನೊಬ್ಬ ಬೇಕು