ಅಮ್ಮ ಮಗಳು

ಹೊಂಟರು ನೋಡಿ ಪ್ರಭಾತಫೇರಿ
ಅಮ್ಮಮಗಳು ಗಾಡಿಯನೇರಿ

ಗಡಿ ಗಡಿಯಾರದ ಪರಿವೆಯು ಇಲ್ಲ
ಖಾಲಿ ಮನೆಯ ಲೆಕ್ಕವು ಇಲ್ಲ

ಕುಂತರು ಹಿಂದೆಮುಂದೆ ಇಬ್ಬರು
ಮಳೆ ಬರುವುದ ಕಂಡರು ಹೊರಟರು

ಊಟ ತಿಂಡಿಗಳಾವುದು ಇಲ್ಲ
ನಾಲಿಗೆಗೆ ರುಚಿ  ಹತ್ತುವುದಿಲ್ಲ

ಹೋಟೇಲ್ ತಿ಼ಂಡಿಯ ರುಚಿ ಇದೆನೋಡಿ
ಇವರನು ಮಾಡಿದೆ ಬಲು ಕಿಡಗೇಡಿ

ಕೆಲಸದ  ಗಂಡ ಇವ ಬಲು ಭಂಡ
ಬಾಯಾಬಿಟ್ಟರೆ ಅದೆ ಬ್ರಹ್ಮಾಂಡ

ಉಳಿಕೆಯೂ ದುಡಿಮೆ ಎಂದು  ಬೋಧಿಸಿದ
ಬರಿ ಹಿಡಿ ಅನ್ನದಿ ಹೊಟ್ಟೆತುಂಬಿಸಿದ

ತಮ್ಮನು ಪೋರ ಅವನೊಬ್ಬ ಚೋರ
ಮನೆ ಮಂದಿಗೆ ತಿಳಿಯದ ದಗಾಕೋರ

ಅವನ ಹುಡುಗಿ ಖುದ್ದು  ತುಂಬಾ ಮೊದ್ದು
ಇವನಾ ಆಟಕೆ ಆದಳು ಪೆದ್ದು

ಹುಡುಗಿನಿದ್ರೆ ಯನು ಹಾಳು ಮಾಡಿದ
ಹುಡುಗಿಯಪ್ಪನ ಗಂಟು ಕರಗಿಸಿದ