ಮರದ ಕೆಳಗೆ ತಾನು ಕೂತು
ಕೊಳಲ ಮೇಲೆ ಬೆರಳನಿಟ್ಟು
ತುಟಿಯನೊತ್ತಿ ಉಸಿರುಕೊಟ್ಟು
ಸುಧೆಯ ಹರಿಸುತಿದ್ದನು
ನೀರಿಗಾಗಿ ಬಂದ ರಾಧೆ
ಮನದಪೂರ ಅವನ ಬಾಧೆ
ನೀರಮರೆತು
ಗಾನದಲ್ಲೇ ಮಿಂದು ನೆನೆದು ಎದ್ದಳು
ಮುರುಳಿಗಾನ ಮೋಹನಾಂಗ
ಭಾವಬಿರಿದು ಹಾಡುತಿರಲು
ನರ್ತಿಸುವರ
ಗೆಜ್ಜೆಹೆಜ್ಜೆಗೆ
ಇಳೆಯು ಪುಳಕಗೊಂಡಿತು
ತುಂಬು ಕಳೆಯ
ಹಾಸು ಹೊದ್ದು ಮಲಗಿರಲು
ಲತೆಯತುಂಬ ಮಲ್ಲೆ ಘಮಲು
ಊರತುಂಬಿ ಹರಡಿರಲು
ಚೋರನಿವನು
ಎದೆಯಭಾವ ಹರಿ ಹರಿದು
ರಾಗ ಹೊಮ್ಮಿಸುತಿದ್ದನು
ಮೈಮರೆತ ಭೂಮಿತಾಯಒಡಲು
ಕಣ್ಣುಮುಚ್ಚಿ
ನಾದಪುಳಕದಿ
ತಾಳಹಾಕುತಿದ್ದಿತು
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್ ಮಾಡಿ