ನೆನಪುಗಳು

ಇನ್ನು ಯೋಚಿಸುತ್ತಿರುವೆ,
ಸಮಯ ಹೇಗೆ ಉರುಳಿತೆಂದು?
ಬಾಲ್ಯದ ಸಮಯ
ನೆನಪ ಬುಟ್ಟಿಯನೆಂದು
ಸೇರಿತೆಂದು?

ನನಾಗಿನ್ನೂ ನೆನಪಿದೆ ಜೊತೆಗಲೆದ ಸಮಯ,
ಬಾಳೆಹಣ್ಣು, ಪಾನಿಪುರಿ, ಐಸ್ ಕ್ರೀಮ್,
ಕಳೆದ ರೂಪಾಯಿ...  

ನೆನ್ನೆ ಮೊನ್ನೆಯವರೆಗೂ ನೀ
ಈ ಊರಿನಿಂದಾವೂರಿಗೆ
ಸುತ್ತುತ್ತಿದ್ದ ನೆನಪು,
ಮಾತಿನಲ್ಲಿ ಕೊಚ್ಚಿಹೋದ ರಾತ್ರಿಗಳ ನೆನಪು,
ಜೊತೆಗೆ ನೋಡಿದಾ ಪರದೇಶ
ಅರೆ ಮತ್ತೆ ನೋಡಬೇಕೇನುವ ಹೊತ್ತಿಗೆ
ನೀನೇ ಪರದೇಶದಲ್ಲಿ!
ನೆನಪುಗಳು, ನೆನಪುಗಳು
ಬರೀ ನೆನಪುಗಳು
ಕಣ್ಣ ತುಂಬಿ ಒಸರುವ ನೀರಿನಂತೆ
ಎಲ್ಲಿಹೋಯಿತಾ ಸುಂದರ ಚಣಗಳು?