ಮಾತು ಮುಗಿದ ನಂತರ
ಕಳೆದುಕೊಂಡ
ಅನುಭವ
ಕಾಲವಾದವೆಷ್ಟೊ ಬಂಧಗಳು
ಅನಂತದಲ್ಲಿ
ಸ್ವಂತಕೆಂದು ಕೊಂಡಿ ಬಿಚ್ಚಿದಾಗ ಸದ್ದೂ
ಸಡ್ಡು ಹೂಡೆದು
ಆಂತರ್ಯವ ಹಂಗಿಸುತ್ತದೆ;
"ನೀನೊಬ್ಬ ಸೋಗಿನ ಸ್ವಾರ್ಥಿ"
ನನ್ನೊಳಗಿನ್ನೊಬ್ಬನಿಗೆ ಸುಮ್ಮನಿರಲು
ಹೇಳಿದಷ್ಟು ಕಿರಿಕಿರಿ,
ಹುಚ್ಚಾಲೋಚನೆಗಳ ಹಿಂದೆ
ಓಡಿದರೆ ಆತ್ಮಹತ್ಯೆ ಖಾತರಿ
ಕೇಳದಿರೆ
ಆತ್ಮದ ಸಾವು !
ದೀಪಕ್
ಅಟ್ಟ ದಿಂದ ಕೆಳಗಿಳಿಸಿದ
ನೆನಪುಗಳ ಮೂಟೆಯ
ಮತ್ತೆ
ಮತ್ತೆ ಮೇಲೊಟ್ಟಬೆಕಿದೆ
ನೆನಪಿನಂಗಳದಲ್ಲಿ ತಿರುಗಿ
ಬದುಕಿಸಿದ್ದವರನ್ನು
ಮತ್ತೆ
ಸಾಯಿಸಬೇಕಿದೆ
ಮರೆತ ಪುಟಗಳ
ಹಿಂತಿರುಗಿಸಿ ಓದಿದ್ದನ್ನು
ಮತ್ತೆ
ಮರೆಯಬೆಕಿದೆ
ಆಸರೆಯಾಗಿದ್ದ ತೋಳನ್ನು
ತೊಯ್ಸಿ ಮಲಿನಿಸಿದ ತಪ್ಪಿಗೆ
ಮತ್ತೆ
ಎಲ್ಲ ಮರೆಯಬೆಕಿದೆ
ಮತ್ತೆ
ಎಲ್ಲ ಮರೆಯಬೆಕಿದೆ
ಈ ಪುಟ್ಟ ಹೃದಯ
ದೀಪಕ್
ಜೀವಂತ ನಿದ್ರೆಗಳ
ಹಾರಿಸಿ
ಸತ್ತ ಕನಸುಗಳ
ಪುನಋಜ್ಜೀವಿಸಿ
ಸನಿಹವಿದ್ದವನನ್ನು
ತೊರೆದು
ಇನಿಯನೆದೆ
ಅಪ್ಪುವೆಯಾ?
ಸವಾಲುಗಳಿವೆ ಭರಪೂರ
ಉತ್ತರ ಹೆಣೆಯುವೆಯ
ಮೆತ್ತನೆ ನುಣುಚುವೆಯ
ಹೆದರೆದರಿಯೆ ಇಣುಕು
ನೋಟ
ಕದ, ಸಂದಿಗಳಲೆ ಜಗ,
ಅದ್ಭುತ!
ಸಂಕೊಲೆಗಳು
ಮತ್ತೆ...
ಬಿಗಿದು ಕೊಂದವು,
ಗೂಟದ
ಹಗ್ಗ ದೂರವಷ್ಟೆ
ಕ್ರಮಿಸಲವಕಾಶ
ನಂತರ ಪಾಶ!
ಮೂಕ ರೋಧನ ...
ಕೇಳುವವರೆಲ್ಲ
ಏನು ಬೇಕು...
ಬೆಳ್ಳಿ,ವಜ್ರ , ಬಂಗಾರ
ಪಚ್ಛೆ ಮುತ್ತು ರತ್ನ?
ಕೋ,
ವೈಭವಿಸು
ನೀಡುವುದಾದರೆ
ಒಮ್ಮೆ ಮನ ಬಿಚ್ಚಿ
ನಗಲು ಬಿಡಿ
ಬಂಗಾರ ಪಂಜರವ
ತೊರೆಯಬಿಡಿ,
ತೊರೆ ನೀರೆ ಸಾಕೆನಗೆ;
ಕಬಂಧಗಳು
ಹದ್ದು ಕಾವಲು
ಪ್ರಶ್ನೆಗಳ ಸುರಿಮಳೆ
ನನಗೆ ಬೇಡ
ಹಕ್ಕಿಯಂತೆ ಸ್ವಚ್ಚಂದ
ಚಿಲಿಪಿಲಿಸುತ
ಸುತ್ತಬೇಕೀ ಜಗವ
ಮೌನದ ಮಾತು
ಅರ್ಥವಾಯಿತೆ
ನಿಮಗೆ
ಶತ(ಮಾನ)ಗಳಿಂದ
ಕಾಪಿಟ್ಟ ಮಾನವಿದು!
*ದೀಪಕ್
ಧುತ್ತನೆದುರಾದಾಗುಂತಕನ
ನೋಡಿ
ಬೆಚ್ಚುತ ಹೆದರಿ
ಮುದುರಿ ನಲುಗಿ
ಶೋಕಿಸಿ ಹೃದಯ
ವಿದ್ರಾವಕವಾಗುತಿರುವಾಗ
ಅವನೆನ್ನನು ದಾಟಿ
ಮುಂದೆ ಸಾಗಿದ,
ಅವನ ಗುರಿ ಬೇರಿತ್ತು
ಹೃದಯ ಬಡಿತ
ಮರುಸ್ಥಾಪನೆಯಾಯಿತು
ಮಾತು;ಶಬ್ದಗಳು ವ್ಯಕ್ತಿಯನ್ನು
ಭೆಟ್ಟಿಯಾದವು
ಮೌನ, ನಗೆ ಆವರಿಸಿತು
ಭಗ್ನ ಕನಸುಗಳ
ಹೂತ್ತವಳು ಅಳಲಿಲ್ಲ
ಕಾವ್ಯಕುತ್ತರ
ನೀಡುತ್ತಿದ್ದವನಿಗೆ
ಕೆಲಸವಿರಲಿಲ್ಲ
ಮೌನಿ;
ಸಾವಿರ ಮಾತುಗಳ
ಹೇಳ ಹೊರಟಿದ್ದೆ
ಬಿಗಿದ ಬಂಧಗಳ
ಕೆಂಗಣ್ಣಿಗೆ
ಬೆಚ್ಚಿದ ಶಬ್ದಗಳು
ಮೌನವಾಗಿ
ಹರಿದುಹೋದವು
ಝರಿಯಾಗಿ
ಕಣ್ಣಂಚಿನಿಂದ...
ಧನ್ಯವಾದಗಳು
ಹೆಗಲಾಗಿರುವಿ
ತೋಯ್ಸಿದರೆ
ಕ್ಷಮಿಸಿಬಿಡು ಹುಡುಗಿ
ನನ್ನಲಿನ್ನೇನೂ ಉಳಿದಿಲ್ಲ
ನಾನೊಬ್ಬ
ಗುಜರಿ ವ್ಯಾಪಾರಿ
ದೀಪಕ್
ಸುಖವಾಗಿರು ನೂರ್ಕಾಲ
ನನ್ನ ನೆನೆಯದೆ
ಮರೆತು
ಹಳಿಯದಿರು
ದೂರದಿರು
ಅವಳೆನ್ನ ಮನದನ್ನೆ
ಭಾವುಕತೆ ಅವಳಿಗಿಲ್ಲ
ಎಂದರೆನ್ನಾಯ್ಕೆ
ಕಠೋರವೇ?
ನನ್ನಾಯ್ಕೆ ಅವಳು
ಅವಳಾಯ್ಕೆ ನಾನು
ಇರಬಹುದಿಂದು
ಬೇರೆ ಬೇರೆ
ಇಹುದೊಳಗೆ
ನೀನೊಬ್ಬಳೇ ನೀರೆ
ಸಮಯದುರುಳಿಗೆ
ಕತ್ತಒಡ್ಡಿರುವೆ
ಕತ್ತರಿ ಕೈಗಳು
ನಿನ್ನ ಬಂಧಿಸಿವೆ
ಸರಿ ತಪ್ಪುಗಳಾಚೆ
ಇರುವ ನಿಷ್ಕಲ್ಮಶ
ಪ್ರೀತಿಯೊಂದಿಗೆ
ನಾ ನಿನ್ನ ಕಾಯುತ್ತಿರುವೆ
ಸಾವೆನಗೆ
ಭಯಹುಟ್ಟಿಸಲಿಲ್ಲ
ಹುಡುಗಿ
ಅಂದೇ ಸತ್ತೆ
ನಾ ನಿನ್ನಿಂದ ದೂರಾಗಿ
ನೀ ನನ್ನಿಂದ ಅಡಗಿ
ನೀ ಮರೆಯಾದೊಡನೆ
ಆಯಿತು
ಹೃದಯಾಘಾತ
ವೈದ್ಯ ಹೇಳಿದ
ಶೇಖಡಾ 100%
ನೆತ್ತರು ಹರಿಯುತಿಲ್ಲ
ಹೃದಯಕೆ
Shhhh...
ಅವರಿಗೇನು ಗೊತ್ತು
ಅಲ್ಲಿ ಹೃದಯವೇ ಇಲ್ಲ
ಅದ ನೀ
ಕದ್ದೋಯ್ದಿರುವೆಯಲ್ಲ
-ದೀಪಕ್
ರೈಲುನಿಲ್ದಾಣ ಹೊಕ್ಕೆ
ಅಲ್ಲಷ್ಟು ಇಲ್ಲಷ್ಟು ಜನ...
ಮೋಡ ಆವರಿಸಿದ ವಾತಾವರಣ,
ಜನರಿದ್ದರು;
ಮರದ ಕೆಳಗೆ ಕುಳಿತಿದ್ದ ಒಬ್ಬ ತಾತನ ಪಕ್ಕ ಖಾಲಿ ಜಾಗ,
ಕುಳಿತೆ
ಅತ್ತ ಹೋದರು ತಾತ ಮೇಲೆದ್ದು ಹೋದರು
ಕಾಂಕ್ರೀಟ್ ನೆಲ ದಿಟ್ಟಿಸಿದಾಗ, ಹೂಗಳು ...
ಹರಡಿ ಕೊಂಡಿದ್ದವು,
ಕೆಲವು ಇನ್ನು ತಮ್ಮ ಬಿಳಿ ಗುಲಾಬಿ ಬಣ್ಣ ಉಳಿಸಿಕೊಂಡಿದ್ದಾರೆ, ಉಳಿದವು ಹಳದಿ ಬಣ್ಣ
ಪಕ್ಕ ಟ್ಯೂಬಿ ಟ್ಯೂಟ್ಯೂಬಿಯಾ ಮರದ ಮೇಲೆ ಕೀಚ್ ಕೀಚ್
ಕೂಗಿದ್ದು ಗಿಳಿ, ಕಾಣಿಸುತ್ತಿರಲಿಲ್ಲ
ನೆಲದ ಮೇಲೆ ಕಪ್ಪಿರುವೆಗಳು ಏನನ್ನೋ ಅರಸುತ್ತ ಕಾರ್ಯನಿರತವಾಗಿದ್ದವು
ಕೆಲಕಾಲ ನನ್ನನ್ನೂ ಶೋಧಿಸಿದವು!
ಅಲ್ಲೊಂದು ಸುಟ್ಟ ಬೀಡಿ
ಹಳದಿ ಎಲೆ ಮಾತ್ರೆಗಳ ಬ್ಯಾಗಡಿ ಅಸಂಖ್ಯಾ ಕಡ್ಡಿಗಳು ಅಲ್ಲಿಯ ಪ್ರಯಾಣಿಕರಿಗೆ ಸಾಕ್ಷಿಯಾಗಿದ್ದವು
ಕೈ ಮರ ಬಿದ್ದಿತು
ನಿಲ್ದಾಣದಲ್ಲಿ ಜೀವ ಸಂಚಾರ
ನಾನು ಲಗುಬಗೆಯಿಂದ ಬರಹಕ್ಕೆ ಅಲ್ಪವಿರಾಮವಿತ್ತು,
ಬಂಡಿ ಹತ್ತಿದೆ
*ದೀಪಕ್
ಎಲ್ಲೋದ್ಯೋ ನೀ ಹಲ್ಕಟ್ಮಗ್ನೇ
ಬುಲ್ಡೇಹೆಂಡಾನ್ಹೊಟ್ಗ್ ಸುರ್ಕಂಡು
ಜೊತ್ಗಿದ್ನನ್ನ ನೀರ್ನಾಗ್ಬುಟ್ಟು
ಸೆರ್ಗಿನ್ವಾಸ್ನೆಗ್ ಹುಚ್ಚಾಗ್ಬುಟ್ಟು
ಒಂದ್ಮಾತ್ಕೇಳ್ನೀ ಮೇಲ್ಕತ್ದೌನ್
ಕೆಳ್ಗಿಳಿಬೇಕು ಕೆಳ್ಗಿಳ್ದೌನ್ಮತ್ ಇಳಿಲೇಬೇಕು
ಬ್ರಮ್ಮನ್ಬರ್ಹ ಬದ್ಲಾಗಲ್ಲ
ಬದ್ಕಲ್ನಂಬ್ದೌರ್ನೀಬುಡ್ಬ್ಯಾಡ
--ದೀಪಕ್
ಹೇಳೇ ಗೆಳತಿ
ಮೈಲುಗಳಾಚೆಯಿಂದ
ಹೇಗೆ ಕದ್ದೆ
ಅರಿವಿನ
ಅರಿವೆಯನು
ಹೇಳೇ ಗೆಳತಿ
ನಾಜೂಕು ಕಣ್ಣುಗಳಂದವನಡಗಿಸುವ
ಚೌಕಟ್ಟ ಹಿಂದೆ
ನೀ ಹೇಗೆ ಕುಳಿತಿರುವೆ
ಮುನಿಸೇ, ಹಸಿವೆಯೆ
ದುಗುಡವೇ ನಾಚಿಕೆಯೆ
ಜಗದಂಜಿಕೆಯೆ?
ಹೀಗೆ ಬಾ , ನನ್ನೊಂದಿಗೆ ಕೂರು
ಹಸಿವೆಯೆ ಹಣ್ಣು ತಿನ್ನು
ಬೇಡವೇ ಹಾಲು ಕುಡಿ
ಬೇಸರವೆ ಅತ್ತುಬಿಡೆನ್ನೆದೆಗೆ
ಮುಖವಿತ್ತು
ಅವಿಯಾಗಲಿ ಎಲ್ಲ ದುಗುಡ ದುಮ್ಮಾನ
ಈ ದೊಡ್ಡ ನಗುವಿನ ಹಿಂದಿರುವ
ಮೂಕ ರೋಧನ ಮುಚ್ಚಿಡಲಾರೆ ನೀ ನನ್ನಿಂದ
ಅದಕೆ ಇರಬೇಕು
ಎಲ್ಲಾ ಅನ್ನುವರು
ನೀ ಭಾವ ಜೀವಿ
ನಿನ್ನ ಭಾವುಕತೆಯನಿಲ್ಲಿ ಹೇಳು
ಉತ್ತರಾವಿರದಿದ್ದರೂ
ನನ್ನ ಪ್ರೀತಿಯಾಸರೆಯಿದೆ ನಿನಗೆ ಯೋಚಿಸ ಬೇಡ
*ದೀಪಕ್*
ಗುಲ್ಲೆಬ್ಸೋ ಗು಼ಂಡ್ನಲ್ನಾನು
ಗುಂಡ್ಕಲುಡ್ಕಂಡು
ನೋವ್ಗೌಸ್ದಿ ಮಾಡ್ಕಂಡು
ಕೊಟ್ದ್ನ ಪಡ್ಕಂಡು
ಸಂಜ್ಗೆ ಬೆಳ್ಗ್ಮರ್ತು
ಬೆಳ್ಗ ಚಂಜಿಮರ್ತು
ನೆತ್ರಾಗ್ಕೈ ಅದ್ಕಂಡು
ಅದ್ರಾಗ್ ಕೊಂಚುಂಡ್ಕಂಡು
ಬದ್ಕೋದೀ ಕನ್ಡಾದ ಕಂದ
ನಮ್ಬಾಸೆ ಗಂಧಾನ
ತಿಳ್ಕೋಬೇಕಂದ್ರೆ ನಿ
ಮುಚ್ಕೊಂಡಪ್ಕಬೇಕಸ್ಟೇ
ನೀತಿಲ್ಲ ರೀತಿಲ್ಲ
ಒಗ್ಳೋದ್ ತೆಗ್ಳೋದಿಲ್ಲ
ಕುಸಿ ಬದ್ಕೇ ನ಼ಂಜೀವ್ನದ್ಪ್ರಾಣ
ಅರ್ಥ್ವಾದ್ರ ನಿನ್ಪುಣ್ಯ
ತೀರ್ಸ್ದೀನೀಮಣ್ರುಣ
ಕಾಮನ ಬಿಲ್ಲಿನ ಸಪ್ತವರ್ಣಗಳು ಹೇಳುತ್ತಿದೆ
ನಿನ್ನ ಸೊಗಸಾದ ಪ್ರೀತಿಯ ಭಾವವ
ಬಂದುಬಿಡು ಹುಡುಗ
ಕಾಮನಬಿಲ್ಲಿನ ಮೇಲೆ ಹಾಗೆ ಜಾರಿ
ಕಾಯುತ್ತಿರುವೆನಾ ಇಟ್ಟಕಡೆ
ರಂಗು ರಂಗಿನ ರಂಗವಳ್ಳಿಯ ಚೆಲ್ಲಿ
ಅಶ್ವಿನಿ
ವಲ್ಲಿ ಮೇಲಿನಿಂದ ಕಂಡೆ
ನಿನ್ನ ರಂಗವಲ್ಲಿ
ಮೋಹಿಸಿ
ನಿನ್ನನ್ನು ಕಾಮಿಸಲು
ಬಿಲ್ಲ ಹಿಡಿದು ಜಾರಿದ ರಭಸಕೆ
ಬಿಲ್ಲ ಬಳುಕಿಗೆ
ಇನ್ನೂ ದೂರದೆನಲ್ಲೆ
ನೀ ಪ್ರೀತಿಯಲ್ಲಿ ಸಾಹುಕಾರ
ಆದರೂ
ನನ್ನ ಒಲವಿಗೆ ಸಾಲಗಾರ
Sri gowri
ನೀ ನನ್ನ ಕನಸುಗಳ ಒಡತಿ
ಆದರೆ
ಇಂದು ಜೀವನದಲ್ಲೂ
ಇಲ್ಲ ನೀ ಗೆಳತಿ
ನೆನೆದರೂ ಯಾರಿಗೂ ಹೇಳಲಾರೆ
ಅದೆನ್ನೊಡಲ ಬಾವು
ಹೊರಗೆ ಹರಿದಿಲ್ಲ ನಿನ್ನಗಲಿಕೆಯ ನೋವು
ತಲಾಂತರಗಳಿಂದ ನನ್ನೆದೆಯಲಿ ಗೂಡು ಕಟ್ಟಿ
ನಿತ್ಯ ಮರಿಹಾಕುತಿದೆ
ನಿನ್ನ ನೆನಪುಗಳು
ಕಾಲ ಚಕ್ರದ
ಗಾಣದಲಿ ನೆನಪು ತಿರುಗುತ್ತಿದೆ
ಅದರೆಣ್ಣೆಯ ನಶೆಯಲೆ
ಜೀವನ ನರೆಯುತ್ತಿದೆ ಗೆಳತಿ
ನೀ ನನ್ನ ಕನಸಿನ ರಾಣಿ
ಕನಸುಗಳಲ್ಲಿ ಮಾತ್ರ ರಾಣಿ
Deepak
ನಾ ನಿನ್ನ ಕನಸುಗಳ ರಾಣಿ
ನೀ ನನ್ನ ಕನಸುಗಳ ಸರದಾರ ಕಣೊ
ಎನ್ನ ಹೃದಯದ ಪಿಸುಮಾತೊಮ್ಮೆ ಕೇಳು
ಡವ ಡವ ಎನ್ನುವ ಸದ್ದಿನಲ್ಲಿ
ನಿನ್ ಹೆಸರೇ ಉಲಿಯುತಿದೆ ನೋಡಿಲ್ಲಿ
Naveena
ಹಾಯ್ ನನ್ನ ಹ್ರದಯ
ಛೇಡಿಸುವ
ಹುಡುಗಿ
ಇಂದದನು
ಛೇದಿಸಿದಿಯಲೆ ಭಲೇ
ಕನಸಿನ ರಾಣಿಗಷ್ಟೆ ಕೊರತೆ
ಪದದಲ್ಲಿ ರಾಣಿಯರು ಹಲವಾರು
ಎಲ್ಲ ಲೇಖನಿ ಕುಟ್ಟಿ
ಪದ ಸುಧೆಯ ಹರಿಸುವರು
Deepak
ನಾ ಛೇಡಿಸುವ ಹೃದಯಿ ಅಲ್ಲವೋ
ಪದ ಸುಧೆಯ ಹರಿಸುವ ರಾಣಿಯರಿಗೇ
ನಾ ಮಹಾರಾಣಿ ಕಣೊ
Naveenaa
ರಾಣಿ
ಮಹಾರಾಣಿ ಯುವರಾಣಿಯರೆಲ್ಲ ನೆಪಕೆ ಕಣೆ
ನನ್ನ ಹುಡುಗಿ ತುಂಬಾ
ಭೋಳೆ ಕಣೆ
ದೀಪಕ್
ಮಾತುಗಳು ಮರೆಯಾಗಿ,
ಮೌನವೆ ಮನೆ ಮಾಡಿರಲು...
ಹೇ ಹುಡುಗಾ...
ಇಂದ್ಯಾಕೋ ನಮ್ಮಿಬರ,
ಜಗಳಕ್ಕೆ ಅಂತ್ಯ ಬಿದ್ದಾಯ್ತು...
ಪ್ರೀತಿಯೇ ಹೀಗೆ,
ಇದ್ದಾಗ ಒಂದು ರೀತಿ ಭಾವ
ದೂರಾದಾಗ ಹೇಳ ತೀರದ ಅನುಭವ.....
* ಅಶ್ವಿನಿ ಚಂದ್ರಶೇಖರ್ *
ಮಾತು ಅರ್ಥ ಕಳೆದುಕೊಂಡಾಗ
ಮನೆ ಮನ ಮುರಿಯದಿರಲು ಮೌನವಾಗುವುದೆ ಹುಡುಗಿ
ಜಗಳಕೆ ಅಂತ್ಯ ವಿಲ್ಲವೇ
ವಿರಾಮವಷ್ಟೆ ಇದು
ಬದುಕೇ ಹೀಗೆ
ಪ್ರೀತಿಯ ಭ್ರಮೆಯಲ್ಲಿ
ಬಡಬಡಿಸಿದ್ದು
ಪ್ರೆಮ ಸಂಭಾಶಣೆ,
ದುಃಖದ ನಿಟ್ಟುಸಿರು
ಪವಿತ್ರ ಮೌನ
ಕಣ್ಣೀರ ಹನಿಯಾ ಹೆಸರು
ಆನಂದ ಬಾಷ್ಪ !
*ದೀಪಕ್
ಯಾವ ಸೀಮೆಯ
ಹುಡುಗನೋ ನೀನು
ನನ್ನ ಕನಸನ್ನೆಲ್ಲಾ ಕದ್ದು
ಕನವರಿಕೆಯನ್ನಷ್ಟೆ ಬಿಟ್ಟು ಹೋದೆಯಲ್ಲೋ
ನವೀನ ಧೃತಿ
ಬಯಲುಸೀಮೆಯ
ಹುಡುಗನಾನು
ಕಳ್ಳತನದಿಂದ ಬಲು
ದೂರಕಣೆ
ಸ್ವಲ್ಪ ಹೂರಳಿದರೆ ನೀ
ನಿನ್ನ ಪಕ್ಕದಲ್ಲಿ
ಮಲಗಿರುವೆ ನಾನೇ
ನಿನ್ನ ಕನಸುಗಳ ಸರದಾರ ಕಣೆ
ದೀಪಕ್
ನೀ ಬಯಲು ಸೀಮೆಯ ಹುಡುಗ
ನಾ ಚ೦ಡಿ ಜಗಮೊ೦ಡಿ ಕಣೊ
ನೀ ಕದ್ದ ನನ್ನ ಕನಸುಗಳ
ಎಲ್ಲಿ ಮಾರಿದೆಯೋ...😊
ನವೀನಧೃತಿ
ನಾ ಕನಸುಗಳ
ಮಾರುವುದಿಲ್ಲ ಹುಡುಗಿ
ಅರಳಿಸುವೆನು,
ನೋಡು
ನಿನ್ನ ತುಟಿಯಂಚಿನ ನಗುವು
ಅದನ್ನೆ ಹೆಳುತಿಹುದು
ದೀಪಕ್
ತುಳುಕಿದ ಕಣ್ಣ ಹನಿಗೆ
ಏನು ಕಾರಣ ಕೊಡಲಿ
ಮುರಿದ ಕನಸಿಗೆ
ಹೇಗೆ ಮೌನದ ಆಸರೆ ಕೊಡಲಿ...
*
ರೋಧಿಸದಿರು ಹುಡುಗಿ
ಕರ್ಪೂರದಂಥ ನೀ
ಕಣ್ಣೀರ ಬಿಸಿಗೆ
ಕರಗಿ ಹೋದೀಯೆ
*
ಕಣ್ಣಹನಿ
ಕನಸಿಗಾಸರೆ
ಮೌನ ಮನಸಿನಾಸರೆ
ಕೊಟ್ಟರೆ ಕೊಟ್ಟುಬಿಡು
ಕನಸ
ಕರಗಿಬಿಡು ಈ ನನ್ನ
ಮನಸಲ್ಲಿ
*
ಬೇಡ ಹುಡುಗ ನಿನ್ನ ಪ್ರೀತಿಯ ಬಿಕ್ಕುಗಳು
ನನ್ನೀ ಸಮಾಧಿಯ ಮುಂದೆ
ನಿನ್ನ ಪ್ರೀತಿಗೆ ಯಾವ ಕ್ಷಣದಲಿ ಸೋತು ಎದ್ದು ಬರುವೆನೋ
ನಿನ್ನ ಮುಂದೆ...
*
ನೀ ಸಮಾಧಿಯೋಳವಿತರು
ನಿನ್ನ ಪ್ರೆಮಾರ್ಥಿಯಾಗಿ
ಹಿಂಬರುವೆ ನಾನು
ಸಮಾಧಿಯ ಹಣತೆಯಾಗಿ
*
ಮುರಿದಾಯಿತು ಮನಸು
ರೋಧಿಸಲು ಇನ್ನೇನಿದೆ ಹುಡುಗ
ನನ್ನ ಕಣ್ಣೀರ ಬಿಸಿಗೆ
ಜೀವವಿಲ್ಲದ ಕರ್ಪೂರವೇ ಕರಗಿದೆ ಎ೦ದಾದರೆ
ಜೀವವಿರುವ ನೀನು ಕರಗಲಾರದೆ ಹೋದೆಯಲ್ಲ
*
ನಾ ಕರಗದಿರುವುದಕೆ
ನೀ ಕರ್ಪೂರದಂತೆಂದು
ತಿಳಿಯಿತು ಜಗಕೆ ಹುಡುಗಿ
ನಾ ಕರಗಿದ್ದರೆ
ನನ್ನ ಕರಿ ರೂಪ
ಎಲ್ಲಿ ನೋಡುತ್ತಿತ್ತು
ಈ ಜಗ
*
ದು:ಖದ ಮನೆಯಲ್ಲಿ
ತೋರಣ ಕಟ್ಟಿ ಹಬ್ಬ ಮಾಡಿದ೦ತೆ
ನಿನ್ನೊಲವು ಗೆಳೆಯಾ
ಇತ್ತ ನಗಲೂ ಆಗದೆ ಅತ್ತ ಅಳಲೂ ಆಗದೆ
ಅರ್ಥವಾಗದ ಕ೦ಗಳಲಿ
ನಿನ್ನೊಲವ ಅರ್ಥೈಸ ಹೊರಟಿರುವೆ......
ನವೀನ
ಸುಖದ ಮನೆಯಾವುದುಂಟೆ
ಗೆಳತಿ
ಅಳು ಹುಟ್ಟಿನೊಂದಿಗೆ
ಬರುವ ಉಡುಗೊರೆ
ನಗುವುದ ನಾನೀನು
ಕಲಿಯಬೇಕು
ಕಣ್ಣೊಳು ಕಣ್ಣಿಟ್ಟು ನೋಡು
ನನ್ನ ಒಳಗು ನೀನೆ ಕಾಣುವೆ
ದೀಪಕ್
ನಿನ್ನ ಕಣ್ಣಲ್ಲಿ ಸ್ಫುರಿಸುವ
ಒಲವ ಕಾಂತಿಯ
ಚೂರು ಚೂರೇ ಕೊಟ್ಟು ಬಿಡೋ ಇನಿಯ,
ಅಮವಾಸ್ಯೆಯ ಬದುಕಲ್ಲಿ
ಹುಣ್ಣಿಮೆಯ ತುಂಬಿಕೊಳ್ಳುವೆ...
#
ಆಗಿದ್ದರೆ ನಾ ರವಿ
ನೀಡುತ್ತಿದ್ದೆ ನಿನಗೆ
ನಿತ್ಯ ಹುಣ್ಣಿಮೆ ಬೆಡಗಿ,
ನನ್ನ ತನು ಮನ ಧನಗಳ
ನಿನಗರ್ಪಿಸಿದ ಮೇಲೆ
ಇನ್ನೆಲ್ಲಿ ಕಾಂತಿಯ
ನೀಡಲೇ ನಲ್ಲೆ
ಕೋ ಎಂದ ಒಲವ
ನಾ ಹಿಂದಕು ಪಡೆಯಲೊಲ್ಲೆ
ಉದಯಿಸಬೆಕೊಂದು
ನವ ಒಲವ ಕಾಂತಿ
ನೀಡಲು ಹುಣ್ಣಿಮೆಯಾ ದಿನ
*
ಮೌನಿ
ವಿಫಲ ಪ್ರೇಮದ ಹಸಿ ಹಸಿ ಯಾತನೆಗಳು ಬದುಕ ಸಾರವನ್ನೇ ನುಂಗಿರುವಾಗ ನಿಸ್ತೇಜಗೊಂಡ ಕಂಗಳಲಿ ಯಾವ ಭಾವ ಹೊಮ್ಮಿಸಲಿ ಗೆಳೆಯ???
ಮಾತು
ವಿಫಲಗಳು ವಿಫುಲವೆ ಗೆಳತಿ ಫಲ ನೀಡುವ ಮುನ್ನ
ನಂದದಿರಲಿ ಕಂಗಳ ಕಾಂತಿ
ನಮನಂತರವೂ ಅವು ಬೆಳಗಬಲ್ಲವಿತರರನೋವು
ನಾನು ನೀನೆಂಬ
ಭಿನ್ನತೆಯನು ನೀಗಿ
ಇರುವ ಕಾಲವನೆ
ನಮ್ಮದಾಗಿಸಿ
ಹಂಗುಗಳ ಮೀರಿ
ಭಾವಗಳ
ಹಂಚಿಕೊಳಬೆಕು
ನಮ್ಮೊಲವಿನ ನಡುವೆ
ತೊಗಲು
ಮೂಳೆ ಮಾಂಸಗಳೂ
ತೊಡಕಾಗಬಾರದೇ
ಹುಡುಗಿ
