ರಾಜ್ಯ ಆಳುವವರು

.

ಹೌದು,ನಾವೆಲ್ಲರೂ  ಕಳ್ಳರು.

ಚಂದದ ಗೋಪುರಗಳ

 ಕನಸಿನ ಅರಮನೆಗಳ ಕಟ್ಟಿ

ಭೃಮೆಯ ಭ್ರೂಣ ಬಿತ್ತಿ

 ಪೆಡಂಭೂತಗಳ ಬೆಳೆಸುವವರು.

ಹಿತ್ತಾಳೆಯನೇ

ಬಂಗಾರದ ಬೊಗಣಿ ಎಂದು ನಂಬಿಸಿ

ವಾಸನೆಯ ಬಿರಿಯಾನಿ ಬಡಿಸುವವರು.

ಬೇಕು ಬೇಡಗಳ-ಸರಕುಗಳಿಂದ 

ರಾಜಕೀಯ ಮಾಡುವ ದೇಶ ಭಕ್ತರು 

ನಾವು.

ಮುಖನೋಡಿಯೇ 

ಮಣೆಹಾಕುವ,

ತ್ರಿಕಾಲ ಜ್ಞಾನಿಗಳು ನಾವು.

ತತ್ವಗಳಿಲ್ಲದ ತತ್ವಜ್ಞಾನಿಗಳು , 

ಚದುರಂಗ ಪೈಲ್ ವಾನರರು!

ಮಣ್ಣೊಡನೆ ನೆಂಟ ಬೆಸೆದು

ಎಲ್ಲವನೂ ಮಣ್ಣು ಮಾಡುವ

ಸಮಾಧಿವೀರರು.

ಬಣ್ಣದ ಮಾತುಗಳ ಬಲೂನುಗಳನ್ನು

ಮಾರುತ,

ಕಣ್ಣಲ್ಲೇ ಎಲ್ಲ ಅಳೆಯುವ

ಮಹಾನ್ ಚತುರರು

ನಾವು ,

ನಿಮ್ಮ ಕಾಯುವ ಕುರುಬರು.

-ದೀಪಕ್’