ಏಕೆ ಹೀಗೆ ಮಾಡಿದೆ

ಏಕೆ ಹೀಗೆ ಮಾಡಿದೆ
ಪ್ರೀತಿ ಸಾಲದಾಯಿತೇ
ನಂಬಿ ಮೋಸ ಹೋದೆನೇ
ಬೆಸೆದು ಬೇರೆಯಾದೆನೇ

ಹಿಂದೆ ಮುಂದೆ ಓಡಿದೆ
ಮಾತಲಿ ಮರುಳು ಮಾಡಿದೆ
ಛಲ ಪ್ರತಾಪ ತೋರಿದೆ
ನನ್ನ ಮನವ ಕಾಡಿದೆ
ಎಲ್ಲೋ ಗೂಡೂ ಮಾಡಿದೆ
ಕಾಣ್ದೆ ದೂರಕೋಡಿದೆ
ಏಕೆ ಹೀಗೆ ಮಾಡಿದೆ
ಪ್ರೀತಿ ಸಾಲದಾಯಿತೇ

ಹಗಲು ಇರುಳು ನಿನ್ನದೆ
ಕನಸು ಮನಸು ನಿನ್ನದೆ
ನೀ ಇರದ ಬದುಕು ಕತ್ತಲೆ
ಇನ್ನಾರೆನಗೆ ಆಸರೆ
ಏಕೆ ಹೀಗೆ ಮಾಡಿದೆ
ಪ್ರೀತಿ ಸಾಲದಾಯಿತೇ

ಮೂರು ಗಂಟ ಬಿಗಿಯಬಾ
ಬೇಗೆಯಳಿಸಿ ತಬ್ಬುಬಾ
ತೋಳವ ದೂರ ತಳ್ಳು ಬಾ
ನಿನ್ನ ಮಾತ ಗೆಲಿಸು ಬಾ
ಏಕೆ ಹೀಗೆ ಮಾಡಿದೆ
ಪ್ರೀತಿ ಸಾಲದಾಯಿತೇ

ಕಂಡೆ ಸಟೆಯ ಮಂದಿಯ
ಎಲ್ಲಕೂ ಹಿಂಜರಿಕೆಯ
ಈ ಗಾಂಧಾರಿಗೆ ನೀನೇ  ಸಂಜಯ
ನಮ ಪ್ರೇಮದಲಿ ಗೆಲುವು ಅಜಯ
ಬದುಕ ದಾರಿ ತೋರೆಯ
ಏಕೆ ಹೀಗೆ ಮಾಡಿದೆ
ಪ್ರೀತಿ ಸಾಲದಾಯಿತೇ

ಕಾಡುಮೇಡು ಅಲೆದೆವು
ಸನಿಹ ಸಲಿಗೆ ಮೆರೆದೆವು
ಮದಿರೆ ಮದನ ಕಾಮನೆ
ಜೊತೆಗೆ ಸಿಂಹ ಸಿಂಚನ
ನಿನ್ನ ಖುಷಿಗೆ ದಣಿದೆನಾ
ರಭಸಕ್ಕೆ ನುಲಿದೆನಾ
ಏಕೆ ಹೀಗೆ ಮಾಡಿದೆ
ಪ್ರೀತಿ ಸಾಲದಾಯಿತೇ

ಅಂದು ಕರೆದೆ ತೋಟಕೆ
ಈಜಿ ದಣಿವ ಪರಿಪಾಠಕೆ
ತಪ್ಪು ಕಾಣ್ಕೆ ನೀಡಿದೆ
ನೀ ಎತ್ತರೆತ್ತಕೇರಿ ಕೊಚ್ಚಿದೆ
ಕಾಣದೆಲ್ಲಿ ಹೋದೆನೀ
ನನಗೆಂದು ಸಿಗದ ಊರಿಗೆ
ಏಕೆ ಹೀಗೆ ಮಾಡಿದೆ
ಧೈರ್ಯ ಸಾಲದಾಯಿತೇ

-ದೀಪಕ್