ಹೋಳಿ

ಬಣ್ಣಗಳ ನಡುವೆ ಕಪ್ಪುಬಿಳುಪು

 ಮೂಡುವುದೇ ಒಣಪು

ಯಾರೊಬರುವರು 

ರಂಗತರುವರು

 ಮರೀಚಿಕೆ

ಆವಿಯಾದ ಕಣ್ಣೀರ ಹಿಂದೆ 

ನನ್ನೊಳಗೆ ಕಂಡೆ

ಸಪ್ತವರ್ಣಗಳದಂಡೆ

ಮತ್ತೆ ಹಂಬಲಿಸಲಿಲ್ಲ

ಬಣ್ಣಗಳ ಬಿಲ್ಲ

ಕೋವಿಡ್ ಕೋವಿ

ಮತ್ತೆ ಬೆಳಗಾಯಿತು,

ರಾತ್ರಿ ಪೂರ ನಿದ್ರೆಯಲ್ಲಿ ಕಳೆದು 

ಇಂದು ಮತ್ತೆ ಬೆಳಗಾಯಿತು,

ನೆರೆ ಮನೆಯ ಬಚ್ಚಲ ಸದ್ದಿಗೆ ಎಚ್ಚರಾಯಿತು!

ಕಾಣದ ವೈರಿಯೊಡನೆ ಹೋರಾಡುತ,

ಢಾಳಾಗಿ ಉಂಡೆದ್ದು..

ಹೊಟ್ಟೆಭಾರಕ್ಕೆ ನಿದ್ರೆಗೆ ಜಾರಿದ್ದ 

ಅನರ್ಹ ಶಿಸ್ತಿನ ಸಿಪಾಯಿ, 

ಸಂಬಳ ಕಾಣದೆ,  ಗಂಟೇ ಇರದ ಯೋಧನಿಗೆ

ನಿದ್ರೆ ಇನ್ನೂ ಮುಗಿದಿರಲಿಲ್ಲ,

ಮುಂಚೂಣಿಯಲ್ಲಿರುವ ಯೋಧ ನೀನು

ಸತ್ತೀಯೆ ಮಲಗು ಎಂದ ಕಮಾಂಡರ್ ಗೆ

ಯಾಕೋ ಮಲಗಿದ್ದ ಯೋಧರನ್ನು 

ಬಡಿದೆಬ್ಬಿಸಿ 

 ಯುದ್ಧಕ್ಕೆ ಒಮ್ಮೆ ಕಳಿಸಬೇಕೆನಿಸಲಿಲ್ಲ.

ಸಂಬಳ ವಿರದಿದ್ದರೂ ಜೀವ ಉಳಿಯಿತಲ್ಲ 

ಎಂದು ಹಿಪೊಕ್ರಿಟನಿಗೆ ಹಿಪೊಕ್ರೆಸಿ ತೋರುತ್ತಾ

 ಕುರಿಗಳಂತಿದ್ದರೆಲ್ಲ,

ಜನ ಹುಳುಗಳಂತೆ ಸಾಯುತ್ತಿದ್ದರೂ

ಮರೆತೇ ಬಿಟ್ಟರು 

ಓದಿದ್ದ ಮೆಡಿsin

ಇನ್ನ ಬದುಕಿರುವುದೇ ಒಂದು sin

-ದೀಪಕ್

ಬ್ರಹ್ಮ

ಅದು ಹಾಗಲ್ಲ ಮಗು

ರಚ್ಚೆ ಬಿಡಲಿಲ್ಲ
ರಾತ್ರಿ ಗಾಢ ಕತ್ತಲೆ ಗಂಟೆಎರಡು
ಕತ್ತಲೆಯೊಳಗೆ ಏಳುತ್ತಾ ಕೂರುತ್ತಾ ಒಮ್ಮೊಮ್ಮೆ ಮೂಗ ಮುಚ್ಚಿ
ಮಲಗಲೊಲ್ಲೆ 
ಎಂಬಳುವಿನ ಪ್ರತಿಭಟನೆ
ಹಾಲು ಕುಡಿದರೆ ಮಲಗೀಯಾಳು
.... ಇಲ್ಲ
ಭುಜದಲಿ ಪ್ರಭಾತಫೆರಿ
ನಡು ನಡುವೆ ಇದಾವ ಪರಿಯ ಸೇಡು
ಏನು ಅರಿಯದು ಹೌದು

ನಾನಪ್ಪ  ಆದರೆ
ರಕ್ತಮಾಂಸ ನನದಲ್ಲ
ನಾನೇನು ಹೊತ್ತೆನೆ ಹೆತ್ತೆನೆ
ಹಾಲೂಡಿದೆನೆ
ಅಪ್ಪನ ಪಟ್ಟ
ನಾಲ್ಕು ಕಾಸಖರ್ಚು ಮಾಡಲು
ನನ್ನವರೆಂದು ಹುಸಿ ಕರುಬಲು
ಕೋಟಿಕೋಟಿ ಬ್ರಹ್ಮರಲಿ ಫಲಿಸಿದೊಂದೆ ಬ್ರಹ್ಮ
ಉಳಿದ ಬ್ರಹ್ಮರು
ಓಟದಲ್ಲಿ ಸೋತರು
ಪ್ರಳಯದಲಿ ಹೋದರು
ಆದರೂ ನಾನಪ್ಪ
ಸ್ಖಲಿತ ಫಲಿತ ದಲಿತಬ್ರಹ್ಮ

ಇಂದು ಮುಂಜಾನೆ

ಇಂದು ಮುಂಜಾನೆ ರವಿ ಮೂಡದೆ ಕೆಲಹನಿಗಳು ಗಿಡ ಮರ ನೆಲ ರಸ್ತೆಗಳ ತೋಯ್ಸಿದವುಹೊರ ಬಂದಾಗ ಹನಿ ಹೊತ್ತ ಹೂವು ತಗೆ ತೂಗುತ್ತಿತ್ತು
ರಸ್ತೆಯ ತುಂಬಾ ಪಾರಿಜಾತ ಆಕಾಶ ಮಲ್ಲಿಗೆ ಹೂಗಳ ಹಾಸಿತ್ತು  ಬೀಸುವ ತಂಗಾಳಿಯಲಿ ಮಣ್ಣಿನ ಘಮವಿತ್ತು ಜೊತೆಗೆ ಹೂವಿನ ಪರಿಮಳವು ಬೆರೆತಿತ್ತು
ಮೈನ ಕೆಂಬೂತ ಚಿಟ್ಟು ಪಾರಿವಾಳ ಅಳಿಲುಗಳು ಕಚೇರಿಯ ನಡೆಸಿತ್ತು 

ಜೊತೆಗೆ ದೂರದಲ್ಲಿ ಮಯ್ಗಾರ ಮಾದೇವ ಎಂಬ ಗಲಾಟೆ ಪ್ರಕೃತಿ ಸೊಬಗಿಗೆ ದೃಷ್ಟಿ ಬೊಟ್ಟಿನಂತಿತ್ತು
ಮಲಗಿದ್ದ ಮಗಳು ಬಟ್ಟಲುಕಂಗಳ ತೆಗೆದು ಏನದೇನೆಂದು ದೃಷ್ಟಿಯಲೇ ಕೆದಕಿತ್ತು

ಇಂದಿನ ಮಳೆ

ಅಂತರ್ಜಾಲದ ಈ ಮಳೆಯಲ್ಲಿ ಚಳಿಯಲ್ಲಿ ಪೆನ್ನು ಕಾಗದಗಳು ಕಮರಿ ಹೋದವು
ಪುಸ್ತಕಗಳು ಧೂಳು ತಿಂದವು

ಮೋಡಗಳ ತುಂಬುತ್ತಾ
ಜನರ ಸಮಯವನ್ನು ತಿನ್ನುತ್ತ
ಜನಕ್ಕೆ ಜಗಳದ ಸರಕನೀಡಿ
ಕೆಲಸ ಕಿತ್ತು ಭ್ರಮೆಯ ಹಚ್ಚಿ  ಗುಂಡಿ ಬಂದ್ ಆಗಲು ಎಲ್ಲ ನಿಸ್ತೇಜ
ಕಳೆದದ್ದೇನೆಂದು ಎಂದೂ ತಿಳಿಯದು
ಪಡೆದ ಭ್ರಮೆಯ ಸರಕ ಇಟ್ಟು ಕೊಳ್ಳಲಾಗದೆ ಮಾರಲಾಗದೆ ಮತಿಭ್ರಮಿಸುವ ಮುನ್ನ 

ಎಚ್ಚೆತ್ತು ಕೊಳ್ಳಬೇಕು

ಪುಟ್ಟ ಪ್ರಪಂಚದ ಪುಟಾಣಿ

ಭಾನುವಾರ ಕೆಲಸಕ್ಕೆ ರಜೆ. ತಿಂಡಿ ಮುಗಿಸಿ ಕ್ಯಾಮೆರಾ ಹಿಡಿದು ಮನೆ ಮುಂದಿನ ಹೂಕುಂಡ ಗಳಲ್ಲಿರುವುದನ್ನು ತ್ರಿಪಾದಿ ಸಹಾಯದಿಂದ ಚಿತ್ರಿಸುತ್ತಿದ್ದೆ.  ಆರೋಗ್ಯಕಳೆದು ಕೊಳ್ಳುತ್ತಿರುವ ವೀಳ್ಯದೆಲೆ ಬಳ್ಳಿಯ ಕೊಂಬೆ ಮೇಲೆ ಏನೋ ಓಡಿದಂತಾಯಿತು. ಕ್ಯಾಮೆರಾದಿಂದ ಕಣ್ಣುಕಿತ್ತು ಗಿಡದೆಡೆಗೆ ನೋಡಿದೆ. ಏನೂ ಕಾಣಲಿಲ್ಲ. ಕಣ್ಣಾಮುಚ್ಚಾಲೆಯಾಡುತ್ತಿರಬಹುದೇ ಎಂದು ಎಲೆಗಳನ್ನು ಅತ್ತಿತ್ತ ಸರಿಸಿ ನೋಡಿದೆ. ಟಿಸಿಲಿನಲ್ಲಿ ಈ ಭೂಪ!

 ಚಿತ್ರಿಸಿ ವಿಡಿಯೋ ಮಾಡಿದೆ ಇದರದ್ದು. ಅದೇನು ಚಟುವಟಿಕೇರಿ ಈ ಜೇಡದ್ದು ಅಬ್ಬಾ! ಒಂದು ಕಡೆ ನಿಲ್ಲೋದಿಲ್ಲ. ಅತ್ತಿತ್ತ ಒಡೆಲ್ ಕೆಳಗೆ ಅವಿತು ಬಿಡೋದು ಕೆಲವೊಮ್ಮೆಬಳ್ಳಿಯ ಟಿಸಿಲ ಮೇಲೆ ಓಡಾಡೋದು. , ನಾನು ವರ್ಣ ರಂಜಿತವಾಗಿ ಗೂಗಲ್ ಗಾಗಲ್ ಸಹಾಯದಿಂದ bhageera ಅಂದುಕೊಂಡಿದ್ದೆ. ಗೆಳೆಯ ವಿಪಿನ್  ಇದನ್ನು carrhotus species ಅಂತ ತಿಳಿಸಿದರು.  Carrhotus ನೆಗೆ ಜೇಡದಲ್ಲಿ 32 ವಿವಿಧ ಪ್ರಭೇಧಗಳಿರುವುದಂತೆ. 

ಹಂಬಲಿಸಿ ಪಡೆದ ನೀನು

Humble ಆಗಿಸಲು

ಬೇಡ ಬರಬೇಡ ಎಂದೇಯ

ಒಳಗ ತಿವಿತಿವಿದು 

ಶಾಯಿ

ಒರೆಸಿಬಿಡು ಅಳಿಸಿಬಿಡು 

ಗುರುತಿರದ ಹಾಗೆ,

ಹುಡುಕಿದರು ಕೆದಕಿದರು ಮತ್ತೆ ಸಿಗದಹಾಗೆ,

ದಂಡವಾದದು ಮತ್ತೆ 

ನೆನಪಾಗದ ಹಾಗೆ