ಪೂರ ಬೆಂದೀತೆಂದು

ಮುಖದ ಮಕಮಲ್ಲಿನ ಪರದೆಯ ತೆಗೆದು ನೀನೊಮ್ಮೆ ನಕ್ಕುಬಿಡಬೇಕಿತ್ತೇ ಗೆಳತಿ,

ಚಮಡಿಯ ಕಪ್ಪನು ದಾಟಿ ಹೃದಯದೊಳಗಿಳಿದು ಜೀವನಾರ್ಭಟವನ್ನೊಮ್ಮೆ ನೋಡಬೇಕಿತ್ತು

ನಿಸ್ತಂತು ಮಾತುಗಳ ತೊರೆದು

ಅಕ್ಷಿಗಳ ಮಾತನ್ನಾದರೂ ನೀ ಹೀರಬೇಕಿತ್ತೆ ಗೆಳತಿ

ಪತಿಸುತರ ಹಂಗ ತೊರೆದು ಆ ಚಣವನಲ್ಲೇ 

ನಾವು ಅನುಭವಿಸಲಿಕ್ಕಿತ್ತು

ಅದಾಗಲಿಲ್ಲ,

ಅದು ಸಂಭವಿಸಿಲ್ಲವೆಂಬ ಖೇದ

ನಿತ್ಯ ಸುಡುತ್ತಿದೆ ಏಕಾಂತವನ್ನು,

ಅರೆ ಬೆಂದಾಚಣಗಳನು

ಪೂರ ಸುಡುತಿರುವೆ 

ಅಂದುಳಿದ

ಈ ಪದಗಳ ಕೆಂಡದಿಂದ,

ಪೂರ ಬೆಂದೀತಿಂದು...