ಕನಸು

ನಿನ್ನ ಕನಸುಗಳ
ಕಾವಲುಗಾರ
ನಾನಲ್ಲ
ಆದರ
ಆಕಾಂಕ್ಷೆ ನನಗಿಲ್ಲ
ಆದರೂ ಕಾಯುತ್ತಿದ್ದೇನೆ
ನಿದ್ರೆ
ಮುಗಿಯಲೆಂದು
ಕನಸು
ಹರಿಯಲೆಂದು
ದೀಪಕ್

ಹೀಗೇ

ಇದು ಹಿಂಗಾ ಎಂದು
ಹ್ಯಾಂಗೆ ಹೆಳೋದೇ ಗೆಳತಿ
ಚಣಚಣವು ಕಣಕಣಕೆ
ವರ್ಷಗಳಾದಿಯಾಗಿ ಬಿದ್ದಾ
ಬೆಸುಗೆ,
ಮರು ಚಣಕೇ ಅದು ಬಿರುಕಿ
ಕಿತ್ತಿದ್ದಾದರೂ ಹೇಗೆಂದು
ಮುಸುಕಾಗುಳಿದಿದೆಯೆ ಗೆಳತಿ

ಒಲವು ಪ್ರೀತಿಗಳನ್ನು
ಎತ್ತರ ಎತ್ತರಕೊಯ್ದು
ಎಲ್ಲರಿಗೂ  ಕಾಣ ಕೊಚ್ಚಿದ್ದು
ಎಂದು  ನಿಂಗ
ಹೇಗರುಹೋದೇ ಗೆಳತಿ

ಫಿಲಾsuffer

ರಾತ್ರಿ ಚಳಿಯಲ್ಲಿ ಮಿತ್ರನೊಂದಿಗೆ ಟೀ ಕುಡಿಯಹೋಗಿದ್ದೆ. ನಶೆಯಲೊಬ್ಬ ಸವಾಲುಗಳ ಹಾಕುತ್ತಿದ್ದ,
ಅಂಗಡಿಯವನಿಂದ ಪುಕ್ಕಟೆ ಬೀಡಿ ಪಡೆಯಲು
"ಹೇಳು ಒಂದು ಒಳಹೋದರೆರಡಾಚೆ ಬರುವುವುದದೆನೆಂದು"
ಅಂಗಡಿಯವ ಪೋಲಿನಗೆನಕ್ಕ
ಹೋಗುಹೋಗೆಂದು ಬರಿಕೈಯಾಡಿಸಿದ
ಉತ್ತರನೀಡು ಯಾ ಬೀಡಿನೀಡು ಉತ್ತರಿಸುವೆ ಎಂದ
ಚಹಾ ಹೀರುತಿದ್ದ ನಾನೂ ಕಾಯುತ್ತಿದ್ದೆ ಅದೇನೆಂದು
ಕೊನೆಗೂಮಣಿದಂಗಡಿಯವ
ಒಂದು ಬೀಡಿ ನೀಡಿದ
ನಶೆಯ ಕುಡುಕ
ಕಡ್ಡಿಗೀರಿ ಹೊಗೆಯೊಂದಿಗುಗುಳಿದ
"ಹೆಣ ಭೂಮಿಯೊಳ ಹೋಗುತಲು
ಆವ್ಯಕ್ತಿಯ ಗುಣಾವಗುಣ
ಎರಡಾಚೆ ಬರುವುದೆಂದು"

(1995ಡಿಸೆಂಬರ್ ನಲ್ಲಿ ಘಟಿಸಿದ್ದು)

ಅನಿಸಿದ್ದು

ನಿರ್ದಿಷ್ಟ ಗುರಿಯಿಲ್ಲ
ಸಾಧನೆಯ ಹಠ ವಿಲ್ಲ
ಬದುಕಿಗೆ ಉದ್ದೇಶವಿಲ್ಲ
ನೀಲಿನಕ್ಷೆಗಳ ಗೊಂಚಲು
ಆದರೆ ಸಾಧನೆ ;
ಶೂನ್ಯ
ಆಸೆ ಆಕಾಂಕ್ಷೆಗಳು ನೂರಾರು
ಬದುಕಿಗೆ ದಿಕ್ಕಿಲ್ಲ ಹಲವರಿಗೆ
ದಿಕ್ಕಿಗೆ ಬದುಕಿಲ್ಲ ಕೇವಲರಿಗೆ
ತತ್ವ ಮೀಮಾಂಸೆ
ತರ್ಕ ಬದ್ಧತೆಗಳಗೂಡು
ಮಳೆಬಂದರೆ ಸೋರುವ ಮಾಡು
ಆದರೂ ನಿಲ್ಲದು ಈ ಅಸಂಬದ್ಧ ಹಾಡು
ಇದು ಒಂದು ಬದುಕಿನ ಪರಿ
ದಿಕ್ಕು ದೆಸೆ ಗುರಿ ಉದ್ದೇಶಗಳಿಲ್ಲ
ಉಂಡು ಮಲಗೇಳುವುದು
ಉಸಿರು ನಿಲ್ಲುವತನಕ
ಸಾವಿಗೆ ಮೊದಲೇ ಸಮಾಧಿಯ ಚಿಂತೆ
ಸುತ್ತಸೇರುವ ಮಂದಿಗಳ ಎಣಿಕೆ
ಬೇಡದ ಪಾಡು
ಇದು ಬದುಕಿನ ಕಾಡು
ಮಲಗಿದರೆ ನಿದ್ರೆಯ ಚಿಂತೆ
ಎದ್ದರೆ ಉಂಡುಡುವ ಚಿಂತೆ
ಉಟ್ಟ ಮೇಲೆ ಧನಕನಕದ ಚಿಂತೆ
ನಂತರ
ದಾಯಾದಿ ಹೊಂಚು
ಅದಮುರಿಯಲೊಂದು ಸಂಚು
ಅಲೆದಾಟ ಪರದಾಟ
ಉಂಡ ಹಿಡಿಯನ್ನವ ಮೀರಿ ದಕ್ಕಿದ್ದೆನಗೇನು ಇಲ್ಲ
ಆದರೂ ಅಂತಸ್ತುಗಳ
ಬಂಧಕೇನು
ಕೊರತೆಗಳಿಲ್ಲ
ಪ್ರತಿಷ್ಠೆ ಒಣ ನಿಷ್ಠೆಗಳ
ದೊಂಬರಾಟ,
ಉದ್ದೇಶ ತನಗೆ ಅಸ್ಪಷ್ಟ
ಆದರೂ ಬದುಕು ನೀಗದ ಕಷ್ಟ

ಸಂತಸವಿಲ್ಲಿ ಮರೀಚಿಕೆಯ ಸುಂದರಿ,
ಬಾಗಿಲಿಗೆ ಬಂದದ್ದು ಒಳಗೆ ಬಾರದು ಎಲ್ಲು.
ಕೈ ಬೀಸಿ ಕರೆಯುವುದು ಬಾ ಹೊರಗೆ ಅಪ್ಪು ನೀನನ್ನ ,
ನಾ ಹೇಳಿದೆ
"ಹೀಗೆ ಮಾಡಿದರೆ ಯಾರು ಒಪ್ಪರು ನಿನ್ನ" 
ಜೀವ ಮುಗಿಯದಾ ದ್ರೌಪದಿ ಸೀರೆ
ಗೋಪಾಲ ಹಸ್ತ
ಅಸ್ತಮಾನದ ನಂತರ
ಎಲ್ಲ ಬೆತ್ತಲೆ ಕತ್ತಲೆ
ಜ್ಞಾನ ದೀವಿಗೆ ಹುಚ್ಚಲ್ಲೆ
ಎಲ್ಲ ಮಂಗಮಾಯ
ಉಳಿದದ್ದು ಶೂನ್ಯ
ದೊಡ್ಡ ಶೂನ್ಯ 
ಸಣ್ಣ ಶೂನ್ಯ ಗ್ರಹಿಕೆಯದ್ದು
"ಶೂನ್ಯ"ಗ್ರಹಿಕೆ ಆಚೆಯದ್ದು.
Deepak

ನಿನ್ನ ನೆನಪು

ಸಮಯ ಹಳಸಿತ್ತು
ಹೃದಯ ಒಡೆದಿತ್ತು
ಒಡಲು ತುಂಬಿತ್ತು
------

ನಿನ್ನ ನೆನಪುಹೊತ್ತಾಗ
ಹೃದಯವೆಲ್ಲ ಬೆಳಗಿ
ಜೀವ ಮಣ್ಣಾಯಿತು
----------
*ದೀಪಕ್

ದ್ವಂದ್ವ

ಮಾತು ಮುಗಿದ ನಂತರ
ಕಳೆದುಕೊಂಡ
ಅನುಭವ
ಕಾಲವಾದವೆಷ್ಟೊ ಬಂಧಗಳು
ಅನಂತದಲ್ಲಿ
ಸ್ವಂತಕೆಂದು ಕೊಂಡಿ ಬಿಚ್ಚಿದಾಗ ಸದ್ದೂ
ಸಡ್ಡು ಹೂಡೆದು
ಆಂತರ್ಯವ ಹಂಗಿಸುತ್ತದೆ;
"ನೀನೊಬ್ಬ ಸೋಗಿನ ಸ್ವಾರ್ಥಿ"

ನನ್ನೊಳಗಿನ್ನೊಬ್ಬನಿಗೆ ಸುಮ್ಮನಿರಲು
ಹೇಳಿದಷ್ಟು ಕಿರಿಕಿರಿ,
ಹುಚ್ಚಾಲೋಚನೆಗಳ ಹಿಂದೆ
ಓಡಿದರೆ  ಆತ್ಮಹತ್ಯೆ ಖಾತರಿ
ಕೇಳದಿರೆ
ಆತ್ಮದ ಸಾವು !

ದೀಪಕ್

ಮತ್ತೆ ಮರೆಯಬೇಕಿದೆ

ಅಟ್ಟ ದಿಂದ ಕೆಳಗಿಳಿಸಿದ
ನೆನಪುಗಳ ಮೂಟೆಯ
ಮತ್ತೆ
ಮತ್ತೆ ಮೇಲೊಟ್ಟಬೆಕಿದೆ

ನೆನಪಿನಂಗಳದಲ್ಲಿ ತಿರುಗಿ
ಬದುಕಿಸಿದ್ದವರನ್ನು
ಮತ್ತೆ
ಸಾಯಿಸಬೇಕಿದೆ

ಮರೆತ ಪುಟಗಳ
ಹಿಂತಿರುಗಿಸಿ ಓದಿದ್ದನ್ನು
ಮತ್ತೆ
ಮರೆಯಬೆಕಿದೆ

ಆಸರೆಯಾಗಿದ್ದ ತೋಳನ್ನು 
ತೊಯ್ಸಿ ಮಲಿನಿಸಿದ ತಪ್ಪಿಗೆ
ಮತ್ತೆ
ಎಲ್ಲ ಮರೆಯಬೆಕಿದೆ
ಮತ್ತೆ
ಎಲ್ಲ ಮರೆಯಬೆಕಿದೆ
ಈ ಪುಟ್ಟ ಹೃದಯ
ದೀಪಕ್