Complete man

ಬೆಳಿಗ್ಗೆ ನನ್ನ ಫ್ರೆಂಡ್ ಹತ್ರ ಮಾತಾಡ್ತಾ complete man  ಅಂದ್ರೆ ಏನು? ಅಂತ ಕೇಳಿದೆ. ಅವನು raymond ಬಟ್ಟೆ ಉಟ್ಟರೆ complete man ಅಂದ:-)😂.  

ಈ complete man complete man ಅಂತ ಕೇಳ್ತೀವಿ ಆದ್ರೆ  complete woman ಅಂತ ಕೇಳಲ್ಲ ಬದಲಿಗೆ woman of substance ಅಂತ ಕೇಳ್ತೀವಿ. 

  ಹೆಂಗಸರೆಲ್ಲ complete ಗಂಡಸರೆಲ್ಲ incomplete ಹಾಗೂ complete  ಅಗೋದಕ್ಕೆ ಮದುವೆ ಆಗೋದು ಅಂತಲೂ ಕೇಳಿದ್ದೆ. 😁

 ಅಮ್ಮ ಅಡಿಗೆ ಮಾಡುತ್ತಿದ್ದರು, 😊ಮದುವೆಯಾದ ಮೇಲೆ ಹೆಂಡತಿ ಅಡಿಗೆ ಶುರು ಮಾಡಿದಳು,😋 ಮೊದಮೊದಲು ಬಾಯಿಮಾತಿಗೆ ಸಕತ್ ಸೂಪರ್ ಅಂತ ತಿಂದು, ಒಂದು ವರ್ಷದೊಳಗೆ ಅಮ್ಮನ ಕೈರುಚಿ ಬೇಕು ಅನ್ನೋ ಹಂಬಲ ಶುರುವಾಗತ್ತದೆ. 😑

 ಅಮ್ಮನ ಕೈರುಚಿ ನೆನಸಿಕೊಂಡು ಮನೆಯ ನೆಮ್ಮದಿ ಕಳೆದುಕೊಂಡಿರುವವರಿದ್ದಾರೆ,😶 ಸಿಗುತ್ತಿದ್ದ ಊಟ ಕಳೆದುಕೊಂಡವರಿದ್ದಾರೆ, 🤐ಸೋಡಾ ಚೀಟಿ ಪಡೆದುಕೊಂಡ ನತದೃಷ್ಟರೂ ಇದ್ದಾರು. ಅದಕ್ಕೆ ಬೇಗ ತಲೆ ಓಡಿಸಿ ರೆಸ್ಟೋರೆಂಟ್ ಗಳು, ಫಾಸ್ಟ್ ಫುಡ್, ದರ್ಶಿನಿ, ಸ್ಟ್ರೀಟ್ ಫುಡ್, ಮಲ್ಟಿ ಕ್ಯೂಸಿನ್, ಸ್ವಿಗ್ಗಿ, ಝೋಮ್ಯಾಟೋ, ಪಿಜ್ಜಾ ಹೀಗೆ ಹತ್ತು ಹಲವು ಆಚೆ ತಿನ್ನುವ ಸಂಸ್ಕೃತಿ ಬೆಳೆಯಿತು. ನಾವಿರೋದು cephalic era ಅಲ್ಲವೇ?

🤨ಹಣ ಪೀಕಬೇಕಾದ ಗಂಡಂದಿರಲ್ಲಿ ಕೆಲವರು ನಾವೇ ಅಡಿಗೆ ಮಾಡಿ ತಿನ್ನುವುದು ಎಲ್ಲದಕ್ಕಿಂತ ಕ್ಷೇಮ🤩 ಶ್ರೇಯ ಎಂದು ಅಡಿಗೆಮನೆಗೆ ಅಡಿಯಿತ್ತು , ಸೌಟನ್ನು ಹಿಡಿದು, ಕಂಪ್ಲೀಟ್ ಮ್ಯಾನ್ ಆಗುವತ್ತ ಹೆಜ್ಜೆ ಇಟ್ಟ. 🤗

ಅಡಿಗೆ ಮಾಡಲು ಇರುವ ದೊಡ್ಡ ತೊಡರುಗಾಲು ತಾಯಿಯಿಂದ ಹರಿದು ಬಂದಿರುವ ರೂಢಿಯ ಅಡುಗೆಗಳ ರೆಸಿಪಿ ತಿಳಿಯದ ಮ್ಯಾನ್, ಗೂಗಲ್ ತಾಯಿಯಬಳಿ ರೆಸಿಪಿ ಕೇಳಿ ಅಡುಗೆಯಾರಂಭಿಸಿದ ಕಂಪ್ಲೀಟ್ ಆಗಲು. 🤑

complete woman ಆದ ಹೆಂಡತಿ, ಅಯ್ಯೋ ನೀನು ಅಡಿಗೆಮನೆಯನ್ನೆಲ್ಲ ಗಲೀಜು ಮಾಡ್ತಿಯ,😥 ಇರೋ ಎಲ್ಲ ಪಾತ್ರೆನೂ ಉಪಯೋಗಿಸಿ ಗುಡ್ಡೆ ಹಾಕ್ತೀಯ, 😫ಅಂತ ಕಂಪ್ಲೀಟ್ ಆಗಲು ಬಿಡಲೇ ಇಲ್ಲ. ಈ ಹಂತದಲ್ಲಿ ಕೆಲವರು ಡ್ರಾಪ್ ಔಟ್ ಆಗುತ್ತಾರೆ. ಛಲ ಬಿಡದ ಕೆಲವರು, ಅಡುಗೆಯನ್ನು ಮಾಡಿ, ಪಾತ್ರೆಗಳನ್ನು ತೊಳೆದು ಕಂಪ್ಲೀಟ್ ಆಗುವತ್ತ ಹೊರಡುತ್ತಾರೆ. 😏

"ಅಯ್ಯೋ ಪ್ಯಾಂಟ್ರಿ ಯಲ್ಲಿ ಅಷ್ಟೊಂದ್ ಪಾತ್ರೆ ಎತ್ತಿಡೋರ್ಯಾರು" 🙄ಅಂತ ಹೇಳುವ ಪತ್ನಿ ಮತ್ತೆ ಗಂಡಿಗೆ ನೀನು incomplete ಎಂಬ ಸಂದೇಶ ನೀಡುತ್ತಾಳೆ. 😔

ಛಲಬಿಡದ ಆತ😝  ಆ ಎಲ್ಲ ಪಾತ್ರೆಗಳನ್ನು ಅಡಿಗೆ ಮನೆಯ  ಎಲ್ಲ ಡ್ರಾ ಗಳಲ್ಲಿ ತುಂಬಿಸಿ ಕಂಪ್ಲೀಟ್ ಆದೆ ಎಂದು  ಬೀಗುವ ಮುನ್ನವೇ, 🙃

"ಅಯ್ಯಯ್ಯೋ ಇದನ್ನ ಬಲಗಡೆ ಇಡಬೇಕು,😥 ಆದನ್ನ ಮೇಲ್ಗಡೆ ಇಡಬೇಕು,😓 ಅಯ್ಯೋ ಅದು ನಾಯಿ ಬಟ್ಟಲು ಆಚೆ ಇಡಬೇಕಿತ್ತು,😫 ಇದು ಕಟ್ಲೇರಿನಲ್ಲಿಡಬೇಕು,😪 ಅದು ಕ್ರಾಕಾರಿ ಯೂನಿಟ್ ನಲ್ಲಿ , 😲ಇದೆಲ್ಲ microwavable ಇದನ್ನ  ಪ್ರತ್ಯೇಕವಾಗಿ ಇಡಬೇಕು☹️, ನಿಮಗ್ಯಾರು ಹೇಳಿದ್ರು ಇದನ್ನೆಲ್ಲ ಮಾಡೋಕೆ ?" 😠

ಅಂತ ಗಂಡಸರನ್ನು  ಸಂಪೂರ್ಣ ನಿಷ್ಪ್ರಯೋಜಕ, ಅಡಿಗೆಮನೆಯ ಜ್ಞಾನವಿಲ್ಲ ಎಂದು ಜರೆದು ಬಿಡುವರು. 😵

ಹೌದು, ತಲತಲಾಂತರಗಳಿಂದ ತಾಯಿ , ಅಜ್ಜಿ, ಮುತ್ತಜ್ಜಿ, ಅತ್ತೆ, ನಾದಿನಿ ಹೀಗೆ ಹಲವಾರು ಸ್ಥರಗಳಿಂದ ಎಲ್ಲಾಕಡೆಯ ಒತ್ತಡ, ಕುಹುಕಗಳನ್ನು ನಿವಾರಿಸಿ ತನ್ನದೇ ಆದ neutral ಝೋನ್ ಕಂಡುಕೊಂಡು, ಎಲ್ಲರಿಗೂ ಸಮ್ಮತವಾಗುವಂತೆ  ಅಡಿಗೆಮನೆಯ management ಕಲಿತಿದ್ದಾಳೆ ಹೆಣ್ಣು, ಅವಳನ್ನು  ಅಡಿಗೆಮನೆಯಲ್ಲಿ ತೃಪ್ತಿಗೊಳಿಸುವಂತೆ ತಯಾರಾಗುವ ಗಂಡೇ complete man.😂

ಇತ್ತ COMPLETE 🤧ಆಗುವ ಹಂಬಲದಲ್ಲಿ ಪುರುಷ ಯಾವಯಾವ ಪಾತ್ರೆ ಎಲ್ಲೆಲ್ಲಿಡಬೇಕು🤒 ಅಡಿಗೆಯಾದ ನಂತರ ಎಂಬುದನ್ನು ಕರಗತಮಾಡಿಕೊಂಡು ನಾನಿನ್ನೆನು COMPLETE MAN ಎಂದುಕೊಳ್ಳಬೇಕು ಅಷ್ಟರಲ್ಲಿ ಹೆಂಡತಿ ರಿ😡 ಇದೇನ್ ಅವಾಂತರ ಮಾಡಿದೀರ ಎಲ್ಲ ಹಸಿ ಪಾತ್ರೆಗಳನ್ನ ಜೋಡಿಸಿದಿರ ಬೂಸ್ಟ್ ಬರತ್ತೆ, 🤢ಅಲ್ಲಿ ಚೂರು ಬೂಸ್ಟ್ ಬೆಳೆದಂಗಿತ್ತು ,🥺ಮೊನ್ನೆ ಕ್ಲಿನ್ ಮಾಡಿದ್ದೆ ,ನೋಡಿ ಕ್ಲಿನ್ ಮಾಡಿದಮೇಲೂ ಇನ್ನೊಂಚೂರ್ ಉಳ್ಕೊಂಡಿದೆ,😷

 ಹಸಿ ಪಾತ್ರೆಗಳನ್ನು ನೀವು ಇಟ್ಟೆ ಹೀಗಾಗಿರೋದು🥵 ಎಂದು ಮತ್ತೆ INCOMPLETE STATUS ಖಾಯಂ ಮಾಡುತ್ತಾಳೆ. 

🤯ಮತ್ತೆ ಕಿಂಗ್ BRUCE ನಂತೆ ಪುರುಷ ತನ್ನ COMPLETE MAN STATUS ಗೋಸ್ಕರ ಪಾತ್ರೆಗಳನ್ನು ತೊಳೆದು ಒರೆಸಿ ಆಯಾ ಸ್ಥಾನದಲ್ಲಿಡುವ ಹೊತ್ತಿಗೆ 🥶ಅತ್ತಲಿಂದ ಮತ್ತೊಂದು ದನಿ ಬರತ್ತೆ ಅಯ್ಯೋ ಈ ಹಾಳು ಬಟ್ಟೆ ತೊಳೆಯೊದ್ರಲ್ಲೇ ನನ್ನ ಜೀವನ ಕಳೆದೋಯ್ತು ಅಂತ.😭   ಅದಕ್ಕೆ ವಾಶಿಂಗ್ ಮಿಷನ್ ಇದೆಯಲ್ಲ  ಎಂದು ಕೇಳಿದರೆ ಅದು ನಮ್ಮಗಳ ಬಟ್ಟೆಗಾಗತ್ತೆ ನೀವ್ ಆಚೆ ಹಾಕಿಕೊಳ್ಳುವ ಶರ್ಟ್ ಗಳ ಕಾಲರ್ ಕೊಳೆ ಹೋಗೋದಿಲ್ಲ 😂ಅದನ್ನ ಸೋಪಿನ ನೀರಲ್ಲಿ ನೆನೆಸಿಟ್ಟು ಕಾಲರ್ ಎಲ್ಲ ಉಜ್ಜಿ ಹಾಕಿದ್ರೆ ಅಮೇಲ್ ಎಲ್ಲ ಕ್ಲಿನ್ ಆಗತ್ತೆ. ಒಮ್ಮೆ ಆಯ್ತು ಅಡಿಗೆ ಮನೆಯ ಜೊತೆ ಇದನ್ನು ಕಲಿತರೆ ನಾನು ಕಂಪ್ಲೀಟ್ 🤣🤣ಎನ್ನುವ ಭ್ರಮೆಯಲ್ಲಿ ಗಂಡಸರುಅದಕ್ಕೆ ಕೈ ಹಾಕಿದರು ಅಂತ ಇಟ್ಕೊಳ್ಳಿ ಶುರುವಾಗತ್ತೆ, ಅಯ್ಯೋ ಬಟ್ಟೆ ಸೋಪ್ ಸೋಪಾಗಿದೆ, 🤔 ಎಷ್ಟು ಸೋಪ್ ಹಾಕಿದ್ರಿ?ಕಲರ್ ಬಟ್ಟೆಜೊತೆ ನಿಮ್ ಬಟ್ಟೆ ಹಾಕಬೇಡಿ ಬಿಳಿ ಅಂಗಿ ನೋಡಿ ಹೇಗಾಗಿದೆ, 😢ಅಯ್ಯೋ ಕಾಲರ್ ಕೊಳೆನೆ ಹೋಗಿಲ್ಲ ಹೇಗ್ ಉಜ್ಜಿದ್ರಿ,😕 ಅಯ್ಯೋ ಬ್ರಶ್ ಹಾಕಿದ್ರೆ ಕಾಲರ್ ಹಾಳಾಗತ್ತೆ ಸೋಪಚ್ಚಿ ಕೈಯಲ್ಲೇ ತಿಕ್ಕೋದು ನಾನು...🤢 

ಹೀಗೆ ಮನೆಯಲ್ಲೇ ಸಣ್ಣ ಕಾರ್ಖಾನೆಯನ್ನು🏠 ನಡೆಸುತ್ತಾ ನಮ್ಮನ್ನು incomplete ಆಗಿರಲು ಬಿಟ್ಟ ತಾಯಂದಿರಿಗೂ ಹಾಗೂ ನಮ್ಮನ್ನು complete ಆಗುವತ್ತ ಹುರಿದುಂಬಿಸಿ ನಿರಾಶೆಗೊಳ್ಳುವ ಹೆಂಡತಿಯರಿಗೂ ಒಂದು ನಮಸ್ಕಾರ. 🤠😇👻

***

ಡಾ. ದೀಪಕ್ ಭ

08.09.2022

ಚಿತ್ತಾರ

ಚಲಿಸುತ್ತೋರುವ ಬೈಕ್ ಸವಾರನ ಹೆಲ್ಮೆಟ್ ಗೆ ತಾಗಿ  ಅಥವಾ ಕಾರಿನ ವಿಂಡ್ ಶೀಲ್ಡ್ ಗೆ ಡಿಕ್ಕಿ ಹೊಡೆದು ಪಾಪ ಅದೆಷ್ಟು ಚಿಟ್ಟೆಗಳು ಅಸುನೀಗಿದವೋ ಲೆಕ್ಕವಿಲ್ಲ, 

ಮಗು ಅದೆಷ್ಟು ಚಿಟ್ಟೆ ಕಂಬಳಿ ಹುಳುಗಳನ್ನು ನೋಡಿ ಸೂಜಿಗ ಪಡುವುದು

ಹಸಿರು ನೀಲಿ ಬಣ್ಣದಿಂದ.

ಹುಟ್ಟು

,

ಬುದ್ಧ ಹೇಳಿದ ಆಸೆಯೇ ದುಃಖಕ್ಕೆ ಮೂಲ

 ಗೆಳೆಯರು ಎಂಬ ಮೋಹ ತೊಡೆಯಲೊಲ್ಲದು, ಬಾಲಿಶತನಕೆ ಕೊನೆಯು ಎಲ್ಲಿದೆ ?

ಬಹುಶಃ ಇಲ್ಲೇ  ನನ್ನವರ ನಡುವೆ; ಮೆರೆವೆನು ಅಳಿದೇನು ಎಂಬುದರಲ್ಲಿದೆ.

ಹೀಗೆ ಸ್ವಗತವಿ ಜೀವನ

ನಾನು ನನ್ನವರು ನನ್ನದು ಎಂಬ ಭ್ರಮೆಯೆರಡು ದಿನವೋ,

ಸಮಯದ ಪುಟದಲ್ಲಿ ನಾ ಚುಕ್ಕಿಯ ಒಂದು ಭಾಗವಷ್ಟೇ,

ಸಮಷ್ಟಿಯಲ್ಲಿ ಇನ್ನೆಷ್ಟು ನಾನುಗಳು ತುಂಬಿರಬಹುದು?

ಸೃಷ್ಟಿ ಅದೇನನ್ನೆಲ್ಲ ಹೊತ್ತು ನಡೆದಿರಬಹುದು..

ಸೃಷ್ಟಿಗೇ ಗೊತ್ತು

ಅದರಾಘಾದತೆ,

ಆದರೂ ನಾನು ಎಂಬ ಹಮ್ಮಿನೊಳಗೆ ಮತ್ತೆ...

ನಿಮಗ್ಯಾರಿಗೂ ನೆನಪಿಲ್ಲ, ಅದು ನಿಮ್ಮ ತಪ್ಪಲ್ಲ ನನ್ನದು

-ಡಾ.ದೀಪಕ್ ಭ

ಹೆಕ್ಕು

ನಿನ್ನ ನೆನೆದಾ ಅಂದು

ಹಾದಿತುಂಬಾ ಗುಲಾಬಿ ಪಕಳೆಗಳು

ಘಮಕೆ ಸೋತು ಹೆಕ್ಕದೇ ಹಾಗೆ ಮುಂದೆಬಂದೆ

ಹೀಗೆ ಕುಳಿತಿದ್ದಾಗ

ಹೀಗೆ ಕುಳಿತಿದ್ದಾಗ...

ಎಲ್ಲಿ ಬತ್ತಿ ಹೋದವೋ ಈ ಬಿರುಬಿಸಿಲಿನಲ್ಲಿ,

ಪುಟಿಪುಟಿದು ಹುಟ್ಟುತ್ತಿದ್ದ ಭಾವನಕ್ಕರಗಳು ನೆಳಲಿನಾವಿಷ್ಕಾರದಲ್ಲಿ?

 ಇಲ್ಲಿ ಸೋಡಾಚೀಟಿಯನು ಕೊಟ್ಟು  ಹೋದದ್ಡೆಲ್ಲಿ,

 ಅಮ್ಮನ ಒಡಲಿನಲ್ಲಿ, ಕಂದನ ಮಿದುಳಿನಲ್ಲಿ, 

ಕರ್ತವ್ಯದಂಟಿನಲ್ಲಿ

ಎಲ್ಲರ ನಡುವಿದ್ದೂ ಒಬ್ಬಂಟಿ,

 ಕಾಡುವ ನೆನಪುಗಳು 

ಕಾವ್ಯವಾಗದೆ ಮುಷ್ಕರವ ಹೂಡಿವೆ ಜಂಟಿ;

ಇದು ವರವೋ ಶಾಪವೋ

 ಬಗೆಹರಿಸಬೇಕು ಕಾಲದ ತೋಟಿ 

ಕಾಲಕ್ಕೆ ಬಿಟ್ಟ ಎಷ್ಟೋ ನಿರ್ಧಾರಗಳು 

ಕಾಲವಾದವು,

  ಜಡ ಸಾಮ್ರಾಜ್ಯದೊಳು ಮುಳುಗಿ ಮಿಂದು ಉಸಿರುಗಟ್ಟಿದವು

ಝಾಡಿಸಿ ಏಳಬೇಕಿದೆ 

ಇಚ್ಛೆಯ ಬತ್ತಿಯ ಹಿಡಿದು,

ನಿಷ್ಠುರತೆಗಳ ಸುಡಬೇಕಿದೆ ಕರುಳ ಬಳ್ಳಿಯಿಂದ ಹಿಡಿದು

ಮತ್ತೆ ನಿಸ್ತೇಜವಾಗುತ್ತ ವೆ ಎಲ್ಲ ಭಾವಗಳು 

ಒರತೆಯ ಕೊರತೆಯಿಂದ,

ಉದಯಿಸಬೇಕು ಜ್ಞಾನಗಂಗೆ

ಹೊತ್ತಿಗೆ ಹೊತ್ತಿಗೆಯಿಂದ..

-ದೀಪಕ್

ಪೂರ ಬೆಂದೀತೆಂದು

ಮುಖದ ಮಕಮಲ್ಲಿನ ಪರದೆಯ ತೆಗೆದು ನೀನೊಮ್ಮೆ ನಕ್ಕುಬಿಡಬೇಕಿತ್ತೇ ಗೆಳತಿ,

ಚಮಡಿಯ ಕಪ್ಪನು ದಾಟಿ ಹೃದಯದೊಳಗಿಳಿದು ಜೀವನಾರ್ಭಟವನ್ನೊಮ್ಮೆ ನೋಡಬೇಕಿತ್ತು

ನಿಸ್ತಂತು ಮಾತುಗಳ ತೊರೆದು

ಅಕ್ಷಿಗಳ ಮಾತನ್ನಾದರೂ ನೀ ಹೀರಬೇಕಿತ್ತೆ ಗೆಳತಿ

ಪತಿಸುತರ ಹಂಗ ತೊರೆದು ಆ ಚಣವನಲ್ಲೇ 

ನಾವು ಅನುಭವಿಸಲಿಕ್ಕಿತ್ತು

ಅದಾಗಲಿಲ್ಲ,

ಅದು ಸಂಭವಿಸಿಲ್ಲವೆಂಬ ಖೇದ

ನಿತ್ಯ ಸುಡುತ್ತಿದೆ ಏಕಾಂತವನ್ನು,

ಅರೆ ಬೆಂದಾಚಣಗಳನು

ಪೂರ ಸುಡುತಿರುವೆ 

ಅಂದುಳಿದ

ಈ ಪದಗಳ ಕೆಂಡದಿಂದ,

ಪೂರ ಬೆಂದೀತಿಂದು...

ತಕರಾರಿ ಹರಟೆ

ತಕರಾರಿ ಹರಟೆ

ನಿನ್ನೆ ಮಧ್ಯಾಹ್ನ ups ನ ಪ್ಲಾಸ್ಟಿಕ್ ಹೊರ ಕವಚ ಮುರಿದಿದ್ದನ್ನು ನೋಡಿದೆ. ಲಾಕ್ ಡೌನ್ ಕಾರಣ ಆದನ್ನು ಸರಿಮಾಡಲು ಫೆವಿಕ್ವಿಕ್ ದೊರೆಯಲಿಲ್ಲ. ಬೆಳಿಗ್ಗೆ 5.30ಕ್ಕೆ ಎದ್ದವನೆ ಕಾಫಿ ಕುಡಿದು ಅಂಗಡಿಗೆ ಹೊರಟೆ. ಫೆವಿಕ್ವಿಕ್ ಕೇಳಿದರೆ ಪರಿಚಿತ ಅಂಗಡಿಯವನು ಎರಡು ಬೇಕಲ್ಲವೇ ಎಂದು ಕೊಡಹೋದ. ಒಂದೇ ಸಾಕೆಂದು ಹತ್ತು ರೂ ನೀಡಿದ್ದಕ್ಕೆ ತಡಕಾಡಿ ಒಂದು ರೂಪಾಯಿಯ ಐದು ನಾಣ್ಯಗಳನ್ನ ನೀಡಿದರು. ಇನ್ನೂ ಸ್ವಲ್ಪ ದೂರ ನಡೆಯೋಣ ಎನಿಸಿತು. ಮುಂದುವರೆದೆ, ವೃತ್ತದ ಸಮೀಪ ಫರಂಗಿ ಹಣ್ಣನ್ನು 30ರೂ ಕಿಲೋ ಎಂದು ಮಾರುತ್ತಿದ್ದರು, "ತಕ್ಕಡಿ ಇಲ್ಲವೇನಪ್ಪ" ಎಂದು ಕೇಳಿದ್ದಕ್ಕೆ ಆಲ್ಲೇ ತರಕಾರಿ ಮಾರುವವರ ಪಕ್ಕದಲ್ಲಿದ್ದ ಹಣ್ಣಿನಂಗಡಿಯಿಂದ ತಕ್ಕಡಿ ತೆಗೆದು ಗಾಡಿಯಲ್ಲಿರಿಸಿಕೊಂಡು ಹಣ್ಣನ್ನು ತೂಗಿ  ನನಗೆ ಮಾರಿದ. ತರಕಾರಿ ಬೇಕೆಂದು ಹಿಂದಿನ ದಿನ ಬಿಗ್ ಬ್ಯಾಸ್ಕೆಟ್ ನಲ್ಲಿಹಣ್ಣು ತರಕಾರಿಗಳನ್ನು ಆರಿಸಿ ಹಣ ಪಾವತಿಸಲು ಹೋದಾಗ all available slots are booked we will be back soon  ಎಂಬ ಸಂದೇಶ ನೋಡಿ ಕೊರೊನಾ ಆರ್ಭಟ ಎಷ್ಟಿದೆಯಲ್ಲ, ಎಲ್ಲರೂ ಮನೆಯ ಬಾಗಿಲಿಗೆ ತರಕಾರಿ ತರಿಸಿಕೊಳ್ಳುತ್ತಾರೆ ಈಗ, ಅದೂ ಚೌಕಾಸಿ ಇಲ್ಲದೆ ಎಂದುಕೊಂಡು ಸುಮ್ಮನಾಗಿದ್ದೆ.   

     ಕೈಯಲ್ಲೊಂದು ಚೀಲವಿದ್ದಿದ್ದರೆ ಎಲ್ಲ ತರಕಾರಿಯನ್ನು ಕೊಂಡೊಯ್ಯಬಹುದಿತ್ತು ಎಂದು ಅತ್ತಿತ್ತ ನೋಡಿದಾಗ, ತರಕಾರಿ ಅಂಗಡಿಯಾಕೆ ಒಂದು ಈರುಳ್ಳಿ ಚೀಲವನ್ನು ಮಡಿಚಿಡುತ್ತಿದ್ದಳು. 

"ಗಜ್ಜರಿ ಹೇಗೆ?"ಎಂದು ಕೇಳಿದೆ, ನನ್ನತ್ತ ಒಮ್ಮೆ ನೋಡಿ 40ರೂ ಎಂದಳು,ಅರ್ಧ ಕಿಲೋ ಕೊಡಿ ಎಂದೆ. ಹಾಗೆ ಆ ಈರುಳ್ಳಿ ಚೀಲವನ್ನು ಇಸಿದುಕೊಂಡೆ.

 "ಹೀರೆಕಾಯಿ?" 

ಮತ್ತದೇ 40, "ಅರ್ಧ ಕಿಲೋ ಕೊಡಿ" ಎಂದೆ, 

"ಮೂಲಂಗಿ?" 

ಮತ್ತೆ 40 ಎಂದಳು. 

"ಬೀನ್ಸ್ ?"

40ರೂ ಅರ್ಧ ಕಿಲೋ ಎಂದಳು ಖಿಲಾಡಿ, ಬೇಡ ಎಂದ ನಾನು "ನುಗ್ಗೆ ಹೇಗೆ?" ಎಂದು ಕೇಳಿದೆ. 60 ರೂ ಕಿಲೋ ಎಂದವಳಿಗೆ "ಕಾಲು ಕಿಲೋ ಕೊಡಿ" ಎಂದೆ. 

ಹಿಂದೆ ನಾನು ಸಣ್ಣವನಿದ್ದಾಗ ಮನೆ ಮುಂದೆ ಇರುತ್ತಿದ್ದ ನುಗ್ಗೆ ಗಿಡದಲ್ಲಿ ಕಾಯಿಗಳನ್ನ ಕೇಳಿದವರಿಗೆ ಕಿತ್ತುಕೊಂಡು ಹೋಗಿ ಎಂದು ಉಚಿತವಾಗಿ ಕೊಡುತ್ತಿದ್ದದ್ದು ನೆನಪಾಗಿ ಆಕೆಗೆ ಹೇಳಿದೆ, "ಅದಾನ್ಯರು ತಿಂತಿದ್ರು ಮೊದ್ಲು ಬರೀ ಸೊಪ್ಪು ಉಪಯೋಗಿಸ್ತಿದ್ದುದ್ದು " ಎಂದಳಾಕೆ. 

ಸೊಪ್ಪಿನ ಗುಡ್ಡೆಯತ್ತ ಬೆಟ್ಟು ಮಾಡಿ "ಹೇಗೆ" ಎಂದಾದಕ್ಕೆ "ಕೊತ್ತಂಬರಿ ಐದು,ಸಪ್ಸಿಗೆ ಐದು ಪುದಿನ ಎಂಟು ಉಳಿದದ್ದೆಲ್ಲ ಹತ್ತು ರೂಗೆ ಮೂರು ಕಟ್ಟು"

ಒಂದಷ್ಟು ಸೊಪ್ಪು ತೆಗೆದುಕೊಂಡೆ. "ಟೊಮ್ಯಾಟೋ ಹೇಗೆ?" ಅಂದದಕ್ಕೆ "10ರೂ ಕಿಲೋ ಕೊಡಲೇ" ಎಂದಳು. "10 ರೂಗೆ ಎರಡು ಕಿಲೋ ಕೊಡ್ತಾರಲ್ಲ?" ಎಂದದಕ್ಕೆ ತಗೊಳಿ ಎಂದು ಒಂದುಕಾಲು ಕಿಲೋ ತೂಗಿ ಅವಳೇ ಕೊಟ್ಟಿದ್ದ ಚೀಲಕ್ಕೆ ಹಾಕಿದಳು. "ಕೋಸು ಹೇಗೆ?" ಎಂದಾದಕ್ಕೆ "ಎಲೆಕೋಸು 15 ಗೆಡ್ಡೆ 40"ಎಂದವಳಿಗೆ ಎಲೆಕೋಸು ಕೊಡು ಎಂದು ತೆಗೆದುಕೊಂಡೆ. "ನಿಂಬೆಹಣ್ಣು ಬೇಡವೇ?" ಎಂದು ಚೀಲದಿಂದ 5ನಿಂಬೆಹಣ್ಣು ತೆಗೆದು ಇಪ್ಪತ್ತು ರೂ ಎಂದಳು.

"ಹತ್ತು ರೂ ಗೆ ಕೊಡಮ್ಮ ಸಾಕು"ಎಂದಾದಕ್ಕೆ ಎರಡು ನಿಂಬೆ ಹಣ್ಣು ಕೊಟ್ಟಾಗ 

"ಅವಾಗ ಒಂದು ಹೆಚ್ಚ ಕೊಡ್ತಿದ್ದೆ ಇವಾಗ ಇಲ್ಲವಾ?" ಅಂದ ನನಗೆ "ಏನೋ ಜಾಸ್ತಿ ತಗೊಂಡರಿ ಅಂತ ಕೊಡೋಕ್ಬಂದೆ" ಅಂದಳು.

 ಒಟ್ಟು ಎಷ್ಟಾಯಿತು ಎಂದು ನನ್ನಿಂದಲೇ ಲೆಕ್ಕ ಹಾಕಿಸಿ ಹಣ ಇಸಿದುಕೊಂಡಳು.

 ಮನೆಗೆ ತೆರಳಿದೆ. 

ತರಕಾರಿಯನ್ನು ಪರಿಶೀಲಿಸುತ್ತಾ ಮನೆಯಾಕೆ ಇದೆಷ್ಟು, ಇದು, ಎಂದು ನನ್ನ ವಿಚಾರಣೆ ಶುರುವಾಯಿತು. ಓ ಬಿಗ್ ಬ್ಯಾಸ್ಕೆಟ್ ನಲ್ಲೂ ಅಷ್ಟೇ ಇದೆ ಎನ್ನೋ ಉದ್ಗಾರ. 

ತರಕಾರಿ ಫ್ರೆಶ್ ಆಗಿ ಚೆನ್ನಾಗಿದೆ,  ಕೊತ್ತಂಬರಿ ಸೊಪ್ಪು ಸಣ್ಣ ಕಟ್ಟಿದೆ, ಐದು ರೂ ಜಾಸ್ತಿ ಆಯ್ತು, ಟೊಮ್ಯಾಟೋ ಸ್ವಲ್ಪ ಹಳೆಯದಿದ್ದಂತಿದೆ, ನಿಂಬೆಹಣ್ಣು ಕೊಳೆಯೋಕ್ ಶುರುವಾಗಿದೆ ಯಾಕೆ ನೋಡ್ಕೊಂಡ್ ತರಲಿಲ್ವಾ? ಈ ತರಕಾರಿ ಅಂಗಡಿಯವರು ಸ್ವಲ್ಪ ನೋಡೋದಿಲ್ಲ ಅಂತ ಗೊತ್ತಾದ್ರೆ ಹ್ಯಾಮಾರಿಸಿ ಬಿಡ್ತಾರೆ, ನನಗೊಂದುಸಲ ಮಾವಿನ ಹಣ್ಣಲ್ಲಿ ಹೀಗೆ ಮಾಡಿದ್ರು ಎಂದು ಹೇಳತೊಡಗಿದಳು.  "ಅಂತೂ ಬೆಳಿಗ್ಗೆ ಬೆಳಿಗ್ಗೆ ಹೋಗಿ ದಂಡಕ್ಕೆ ದುಡ್ಡಿತ್ತು ಬಂದೆ ಅನ್ಸತ್ತೆ" ಎಂದ ನನಗೆ, "ಅದ್ಯಾಕೆ ಹಾಗ್ ಹೇಳ್ತೀರಾ ಚೆನ್ನಾಗಿದೆ ಎಂದೂ ಹೇಳಿದೆನಲ್ಲ" ಎಂದು ನನ್ನೆದುರು ಕೈಯಲ್ಲಿ ಸೌಟು ಹಿಡಿದು ಟೊಂಕಕ್ಕೆ ಕೈಕೊಟ್ಟು ನಿಂತಾಗ "ನಿನಗೇನು ಹೇಳಲಿಲ್ಲ ನಾನು, ನನಗೆ ಹಾಗನ್ನಿಸಿತು ಅಷ್ಟೇ" ಎಂದು ಬಚಾವಾದೆ. 

ನಿತ್ಯ ಏರುತ್ತಿರುವ ಬೆಲೆಗಳು ಲಾಕ್ ಡೌನ್, ಸಿಗದ ಮಾರುಕಟ್ಟೆ, ಬಿಗ್ ಬಾಸ್ಕೆಟ್ನಂತಹ ಮಾರುಕಟ್ಟೆ ತಂತ್ರಜ್ಞರ ಮುಂದೆ ಒಂದು ಕೊಳೆತ ನಿಂಬೆಹಣ್ಣು ಲೆಕ್ಕವೇ?

 ನಂತರ ನಾನು ತಿಂಡಿ ತಿನ್ನುತ್ತಿದ್ದಾಗ

ಮಧ್ಯಾಹ್ನ ಚಿತ್ರಾನ್ನ ಮಾಡಿಬಿಡುವೆ ಜಾಸ್ತಿ ದಿನ ಇಟ್ಟರೆ ನಿಂಬೆಹಣ್ಣು ಕೊಳೆತು ಹೋಗುತ್ತದೆ ಎಂದು ನಾನು ತರಕಾರಿಯಲ್ಲಿ ತಂದ ನಿಂಬೆಹಣ್ಣಿಗೆಉಪಸಂಹಾರದ ಸಮಾಧಾನಕರ ಮಾತೊಂದು ಉದುರಿತು, (ಆಯುಧ ಪೂಜೆಯಂದು ಇದೆ ನಿಂಬೆಹಣ್ಣಿನ ಮೇಲೆ ಕಾರನ್ನು ಚಲಾಯಿಸುವಾಗ ಏನು ಅನಿಸುವುದಿಲ್ಲವೇನೋ?) 

"ಚಾಕು ತಗೊಂಡು ಕೊಳೆತ ಭಾಗ ಕತ್ತರಿಸಿ ಬಿಸಾಡು, ನೀನು ಅದನ್ನು ಉಪಯೋಗಿಸೋವರೆಗೂ ಅದು ಕೆಡಲ್ಲ" ಎಂದು ನಿಂಬೆ ಹಣ್ಣಿಗೆ ಶಾಸ್ತ್ರಚಿಕಿತ್ಸೆಮಾಡಿ ಬೆಳಗಿನ ತಿಂಡಿಯನ್ನು ಮುಗಿಸಿ, ಚಿಕಿತ್ಸಾಲಯಕ್ಕೆ ಹೊರಟೆ.