ನನ್ನ ನಾಳಿನ ಕೂಸಿಗೆ

ನಿನ್ನಯ ಬರುವು ನನಗೆ
ಕ್ಷಿಪ್ರ ಹಾಡಾಗುತಿದೆ
ಕಾಣದ ಕೇಳದ ದನಿಯು
ಸಾವಿರ ರೂಪ ಮೂಡಿಸಿದೆ

ಬೆಳೆಸಲೇನಿದೆ ನಿನ್ನ
ಬೆಳೆಯುವೆ ನೀನೇ ಚಿನ್ನ
ಅದ ನೋಡುವುದೇ ಚೆನ್ನ

ಸಮಾಜಪಘಾತಗಳಿಂದ
ತಡೆಯಬೇಕಿದೆ ನಿನ್ನ
ಬೆಳೆವ ಸುಮಕೆಬೇಕೆ
ಅರಳುವ ಪಾಠಪ್ರವಚನ?

ಮುಗ್ಧತೆಯೇ ಜೀವಕಳೆ

ನೀಹುಟ್ಟಿದ ಸುಖವ
ಮೊದಲುನೀ ಅನುಭವಿಸು
ನಿನ್ನಲಿಹುದಾ ಹಂಚಿ
ಜಗವನ್ನು ಸಿಹಿಮಾಡು

ಶಾಶ್ವತರಿಲ್ಲಿಲ್ಲ
ಶಾಶ್ವತೆಇಲ್ಲಿಲ್ಲ
ಪಂಚಭೂತವೀದೇಹ
ರಸ ಕಾಮನೆಗಳತಾಣ
ಬೇಕು ಬಯಕೆಯ ಮುಂದೆ
ದುಮ್ಮಾನಗಳ ಸಂತೆ

ಹಂಚಿಕೊಳುವಾಖುಷಿಯ
ಕೂಡುವುದಕೊಡಲೊಲ್ಲ
ಕಲೆತುನಲಿ ನೀಡಿಕಲಿ
-ದೀಪಕ್