ಸುಳ್ಳರು

ಇಲ್ಲಿ ಎಲ್ಲರೂ ಸುಳ್ಳರು
ಸುಳ್ಳು ಗೋಪುರದ
ಅರಮನೆ ಕಟ್ಟಿ
ಭೃಮೆಯ ಭ್ರೂಣ
ಬಿತ್ತುವರು

ತ್ರಿಲೋಕ ಙಾನಿಗಳು
ಹಿತ್ತಾಳೆಯಲಿ ಬಂಗಾರದ ಬೊಗಣಿಮಾಡಿ
ಬಿರಿಯಾನಿ ಬಡಿಸುವರು

ಬೇಡಗಳ-ಬೇಡುವ
ದೇಶ ಭಕ್ತರು
ಮುಖನೋಡಿಯೇ
ಮಣೆಹಾಕುವ,
ಮಹಾ ಮಾಂತ್ರಿಕರು
ಇವರು
ತತ್ವಙಾನಿಗಳು!
ಮೋರಿಯಿಂದ ಮೇಲೆದ್ದು
ಸಹಪಾಟಿಗಳ ನೆತ್ತರ ಹೀರಿ
ಸಿಂಹಾಸನ ತಲುಪಿದ
ಚದುರಂಗ ಪೈಲ್ ವಾನರರು
ಮಣ್ಣೊಡನೆ ನಂಟ ಬೆಸೆದು
ಎಲ್ಲವನು ಮಣ್ಣು ಮಾಡುವ
ಚತುರ ಕಳ್ಳರು
ಮಾತಾಡಲು 
ಪದ ದಾರಿದ್ರ್ಯದಿ
ಬೆಬ್ಬರಿಸುವ
ದಡ್ಡ ಶಿಖಾಮಣಿಗಳು
ಇವರು  ಮಹಾನ್ ಸುಳ್ಳರು
-ದೀಪಕ್

ಹೊಸ್ವರ್ಸ

ಮುಚ್ಕೊಂಡೋಗೊ
ಕಂಡಿವ್ನಾನು
ನೀನ್ ಮಾಡೋ ಹೊಸ ವರ್ಸ
ಗುಂಪ್ನಲ್ ಸೇರ್ಕಂಡ್
ಗುಂಡ್ನಸೆ ಏರ್ಸಕಂಡ್
ಹನ್ನೆರ್ಡಕ್ ಹ್ಯಾಪಿನ್ಯೂಇಯರ್
ಘೋಷ್ಸೋ ನಿನ್ ಚಂದ

ಕಳ್ದಿದ್ ವರ್ಸ ಹೆಂಗಿತ್ಯೋಳು
ಬರೋದ್ನದ್ಕಿಂತ್ ಉತ್ಮಾಮಾಡು
ಗುಂಡ್ನಸೆ ವರ್ಸಾನ್ ಉಳ್ಸಾಕಿಲ್ಲ
ನಿನ್ ಮನ್ಸ್ ಭಾವ್ನೆ ನಿನ್ ಕಾಯ್ತದೆ
ನಿನ್ ಸಮಯ
ನಿನ್ ಕಾಯ್ತದೆ ನೋಡು
-ದೀಪಕ್

ಸ್ಥಿತ ಪ್ರಜ್ಙರು

ಪರ ವಿರೋಧ ನಿರ್ಧರಿಸುವ
ಪರಾಕ್ರಮಿಗಳಿವರು
ಬೇಕೆಂಬುದಕೆ ಜೈ ಎನ್ನುತ
ಬೇಡದುದ ಕಾಲಲಿ ತುಳಿವ
ಕಾಳ ಭೈರವರು
ಢೋಂಗೀ ಖದೀಮರಿಗೆ ಸಲಾಮು ಹೊಡೆದು
ಹೊಲಸೊಳಗಿನ ಸ್ವಚ್ಛತೆ ಕಾಪಾಡುವ
ಜನಿವಾರ ಪ್ರಿಯರು
ತಿಳಿಯದಿದ್ದರೂ ತಿಳಿದ
ಓದದಿದ್ದರೂ ಓದಿದ
ಹಸಿದರೂ ಉಣ್ಣದ
ಭೋಗಿಸೆಂದು 
ಬೆತ್ತಲಾದರೂ ಭೋಗಿಸದ
ಸ್ಥಿತ ಪ್ರಜ್ಙರು
ನಮ್ಮ ನಿಮ್ಮಂಥಲ್ಲಇವರು
ಸರ್ವಙನ ಕೌಪೀನವ
ಎಳೆದುತಿಳಿದವರು
ಇವರು ಸಾರ್ವಭೌಮರು

-ದೀಪಕ್