ಕನಸು

ಬದುಕಿನಲ್ಲಿ ಕನಸುಗಳು
ಕಳೆದುಹೋಗುತ್ತಿವೆ
ಯಾರಾದರೂ
ಹುಡುಕಿ ಕೊಡಿ

ಸೇವೆಯಾಕಾಂಕ್ಷೆಯನು
ಸಮಾಜ
ಕೊಲ್ಲುತ್ತಿದೆ
ಯಾರಾದರೂ
ದಾರಿಕೊಡಿ

ಅಜ್ಞಾನ
ಸಾಕ್ಷರರಲಿ
ಮೆರೆದು
ಕುಣಿದು
ಕುಪ್ಪಳಿಸುತಿದೆ
ಯಾರಾದರೂ
ಬೆಳಕು ಕೊಡಿ

ಪ್ರೀತಿ ಪ್ರೇಮ ಗಳಿಂದು
ಮಾರುಕಟ್ಟೆ ಸರಕಾಗಿವೆ
ಯಾರಾದರೂ ಅದನ್ನು
ಬಿಡಿಸಿಕೊಡಿ

ಆದರ್ಶತೆ ಇಂದು
ಬೆನ್ನ ಮೂಳೆ
ಮುರಿದುಕೊಂಡಿದೆ
ಯಾರಾದರೂ ಅದಕೆ
ಚಿಕಿತ್ಸೆ ಕೊಡಿ

ನನ್ನ ನಾಳಿನ ಕಂದ
ಕನಸು ಸೇವೆ
ಜ್ಞಾನ
ಪ್ರೀತಿ ಪ್ರೇಮ
ಆದರ್ಶಗಳನ್ನು
ತಪ್ಪು ತಿಳಿಯಬಾರದು

ಕನಸುಗಳು
ಕಳೆದು ಹೋಗಿವೆ
ಯಾರಾದರೂ
ಹುಡುಕಿ ಕೊಡಿ

ಮರೆಯಬೇಕಿದೆ

ಮರೆಯಬೇಕಿದೆ
ನೆನಪುಗಳನೆಲ್ಲ
ಅಳಿಸಿಹಾಕಿ
ದಿನ
ಬೆಳಗು
ರಾತ್ರಿ
ವಾರ
ತಿಥಿಗಳನು
ನೆನಪಿಗೆ ಬಾರದಂತೆ.

ಪ್ರೀತಿ ಸ್ಫುರಿಸಿದ್ದ
ಗಳೆಯ
ಗೆಳತಿ
ಪ್ರೇಮಿ
ಅಪ್ಪ ಅಮ್ಮ ಅಕ್ಕ ಅಣ್ಣ ತಮ್ಮ ತಂಗಿಯರ ನೆನಪುಗಳನು

ಬೆನ್ನ ಹಿಂದೆ ಚೂರಿ
ಹಾಕಿದವರ
ಮರೆಯಬೇಕಿದೆ
ನೇರ ನುಡಿಯಲು ಬಾರದ
ಭಿಕಾರಿ ಸಮಾಜವ
ಬದಲಿಸಬೇಕಿದೆ

ಚೂರುಗಳು

ನೀ ತೊರೆದಮೇಲೆ
ಇನ್ನೂ ಪದಗಳ
ಹುಡುಕುತ್ತಿರುವೆ
ನನ್ನ ವಿರಹದಾಳ
ತೋಡಲು
-
ರಾತ್ರಿ ನಿಬೀಡತೆಯಲಿ
ಬಯಲಾಗಿದ್ದ ಬೆತ್ತಲೆಗಳು
ಇನ್ನೂ ಹಸಿರಾಗಿದೆ ಹುಡುಗಿ
-
ನಾ ಮನೆ ತೊರೆದೆ ,
ನೀನೂ
ಮನೆತೊರೆಯಬೇಕಿತ್ತೆ ಹುಡುಗಿ
ನನ್ನ ನೋವ
ಪಾಲು ಪಡೆಯಲು
-
ನಿನಗೇಳದೇ ಉಳಿದ
ಪ್ರೇಮ ನಿವೇದನೆಗಳಿಂದು
ಪದಗಳ ತುಂಬಿದ
ಕವನವಾಗಿದೆ ಹುಡುಗಿ
-

ನಿನ್ನ ನೋಡದಿರೆ ಹುಚ್ಚೇಳುತಿದ್ದ ಮನ
ನೀನಿರದೇ ಬಾಳುವುದ
ಕಲಿತಿದೆ ಹುಡುಗಿ,
ನಾ ಅದನೋಡಿ
ಕಲಿಯಬೇಕಿದೆ ಇನ್ನೂ
-
ಎಲ್ಲ ಕಳೆದುಕೊಂಡು
ಒಂಟಿ ಷರಾಬಿಯಾಗ
ಹೊರಟಾಗ
ಕೈಹಿಡಿದ ನೀನು ಯಾರೆ
ಸಹಯಾತ್ರಿ
---
ಚಿರ ವಿರಹಿನಾನು
ಪ್ರೇಮಿಗಳಷ್ಟೇ ಬದಲು
ಅಮ್ಮ
ಅಂಕಗಳು
ಆಟ
ಪ್ರಶಸ್ತಿಗಳು
ತಮ್ಮ
ಮನೆ
ಗೆಳೆಯರು
ಲಲನೆಯರು
ಕನಸುಗಳು
ಷರಾಬು
ಅಪ್ಪ
ಯಾರೂಯಾವುದೂ ಇಲ್ಲ
ಭ್ರಮೆ ಈ ಜೀವನ
ನಾ ಚಿರ ವಿರಹಿ
---

ನನಗೆ ನಾನೇ ಗೆಳೆಯ
ನನಗೆ ನಾನೇ ಇನಿಯ
ನನ್ನ ಮೀರುವಯತ್ನ
ಯುಗಗಳಿಂದ
ನಡೆದಿಹುದು
ಕೊನೆ ಇನ್ನೂ ಸಿಕ್ಕಿಲ್ಲ
---

ಬದುಕ ಖಾತರಿ
ವಿನೋದ
ವಿಲಾಸಗಳಿಗಿಂತ
ವಿರಹ
ನೋವುಗಳಲೇ ಹೆಚ್ಚು
----

ಕನಸು

ನಿನಗಿಲ್ಲವೆ ಕನಸುಗಳು
ಎಲರಂತೆ ಬದುಕಿನಾಸೆಗಳು
ಪ್ರೀತಿ ಗೆಳೆತನದ ಬೆಸುಗೆಗಳು

ಎಲ್ಲವಿಹುದಿಲ್ಲಿ
ಕನಸ ನನಸಾಗಿಸುವರು
ಆಸೆ ಈಡೇರಿಸುವರು
ಪ್ರೀತಿ ಮಾಡುವರು

ರೂ...

ಬೇರು ಜಾರು ಸೇರಿ
ರೂ ಕಳೆದುಕೊಂಡು
ಬೇಜಾರು ಹುಟ್ಟಿತು
-ದೀಪಕ್

ಪಾಲಿಷ್

ನಿನ್ನೆ ಶೂ ಪಾಲಿಷ್ ತಂದೆ
ಜೊತೆಗೆ ಸರಣಿ ನೆನಪು
----

ಕಂದು ಪಾಲೀಷ
ಕಪ್ಪುಶೂ ಗೆಹಚ್ಚಿದ್ದ ಕಂಡು
ಗೆಳತಿಗಾರತಿ ಎತ್ತಿದ್ದು
ಕೈ ಗಳಲ್ಲಿ ಕಂದುಬಣ್ಣವಿದ್ದರೂ
ಅದರಲೆ ಒರೆಸಿ ಕೊಂಡ ಕಣ್ಣೀರು ;
ನಿಷ್ಠೂರಿಯಾಗಿ
ನಾಹೊರಳಿ ತೆರಳಿದ್ದು
ನೆನೆದರೆ
ಇಂದು ಸೂಜಿಗವಾಗುವುದು.
------
ಹಾಸ್ಟೆಲ್ಲಿನಲಿ
ಗೆಳೆಯರೊಡಗೂಡಿ
ಮಾಡಿದ ಶೂ ಪಾಲೀಷು
ಇನ್ನೂ ಸ್ಮರಣೀಯ;

ರವಿವಾರದಂದು
ಎಲ್ಲರ ಶೂ ಗಳ ಒಟ್ಟು ಹಾಕಿ
ಆರೇಳು ಮಂದಿ ಒಗ್ಗೂಡಿ
ಯಾಮಾರಿಸಿತಂದ
ಯಾರದೋ
ಪಾಲೀಷು,
ಬ್ರಷ್
ಅನಾಥ ಬನಿಯನ್ನು
ಬೆಡ್ ಶೀಟು.

ಮಗ್ ನೊಳಗಿನ ನೀರಿನಿಂದ
ಹಳೆಯ ಪಾಲೀಷ
ತಿಕ್ಕಲೊಬ್ಬ
ಅದ ಒರೆಸಿ
ಬಿಸಿಲಲಿಡುವನೊಬ್ಬ

ಒಣಗಿದ ಶೂಗಳಿಗೆ
ಬನಿಯನ್ನಿನಲಿ
ಪಾಲೀಷ ಹಚ್ಚಿ
ಅದು ಪೂರ ಶೂಗೆ
ಬ್ರಶ್ನಲ್ಲಿ ತಿಕ್ಕಿ
ಇಬ್ಬರು ಬೆಡ್ ಶೀಟ್ ಹಿಡಿದು
ಶೂ ಫಳಫಳಿಸುವವರೆಗೂ
ಉಜ್ಜಿಬಫಿಂಗ್

ಕೊನೆಗೆ
ಲೇಸ್ ಪೋಣಿಸುವವಗೆ
ಶೂ ರವಾನೆ
ಈ ಸಮಯದಲಿ
ನಮಗೊಬ್ಬ ಮಿತ್ರನಿಂದ
ಸಿಗರೇಟು ಸೇವೆ
ಕೊನೆಗೆ
ಕಾಲ್ಗೆ ಫಳಫಳಿಸುವ ಶೂ
---
ಸಮಯದ
ಮಾಲೀಷಿಗೆ
ಮರೆತುಹೋಗಿದ್ದ
ನೆನಪು ಗಳ
ಮತ್ತೆ ಪಾಲೀಷ ,
ನಿನ್ನೆ ಕೊಂಡ
ಕಪ್ಪು ಶೂ ಪಾಲಿಷ್
-ದೀಪಕ್

ಚಿತ್ತಾರ

ನಾ ಬರೀ ಚಿತ್ರವಲ್ಲ ಅಣ್ಣ

ನೋಡ ಇರುವ ರಕ್ತ ಕೆಂಪು

ಎಳೆ ಎಳೆಗಳಾಗಿ

ಪದರದಿ

ಪದ ಜಾರಿಸುವ

ಸಮ್ಮೋಹಿತ ಕುಸುಮನಾ

ನಾ ಬರೀ ಚಿತ್ತಾರ ಅಲ್ಲವಣ್ಣ

ಪ್ರಿಯ ಪ್ರಿಯೆಯರ

ಆಲಿಂಗನದೂತನಾ

ಮಜ್ಜನದಿ ಪೂಸಿಕೊಳುವ

ಅತ್ತರಿನ ಧಾತುನಾ

ನಾ ಬರೀ ಚಿತ್ರಅಲ್ಲವಣ್ಣ

ಔಷಧದೊಳಗೂ ನುಸುಳಿಹ

ಮುಳ್ಳು ರಾಣಿ ನಾ

ನವಾಬ ಲಾಲರ

ಲಾಲನೆಯೊಳು ಬೆಳೆದ

ಗುಲಾಬಿ ನಾನು

ಒಳಗಣ್ಣೊಳು ಕಾಣು

ನಾ ಬರಿ ಚಿತ್ರ ಅಲ್ಲವಣ್ಣ
-ದೀಪಕ್

ರಾಜ್ಯ ಆಳುವವರು

.

ಹೌದು,ನಾವೆಲ್ಲರೂ  ಕಳ್ಳರು.

ಚಂದದ ಗೋಪುರಗಳ

 ಕನಸಿನ ಅರಮನೆಗಳ ಕಟ್ಟಿ

ಭೃಮೆಯ ಭ್ರೂಣ ಬಿತ್ತಿ

 ಪೆಡಂಭೂತಗಳ ಬೆಳೆಸುವವರು.

ಹಿತ್ತಾಳೆಯನೇ

ಬಂಗಾರದ ಬೊಗಣಿ ಎಂದು ನಂಬಿಸಿ

ವಾಸನೆಯ ಬಿರಿಯಾನಿ ಬಡಿಸುವವರು.

ಬೇಕು ಬೇಡಗಳ-ಸರಕುಗಳಿಂದ 

ರಾಜಕೀಯ ಮಾಡುವ ದೇಶ ಭಕ್ತರು 

ನಾವು.

ಮುಖನೋಡಿಯೇ 

ಮಣೆಹಾಕುವ,

ತ್ರಿಕಾಲ ಜ್ಞಾನಿಗಳು ನಾವು.

ತತ್ವಗಳಿಲ್ಲದ ತತ್ವಜ್ಞಾನಿಗಳು , 

ಚದುರಂಗ ಪೈಲ್ ವಾನರರು!

ಮಣ್ಣೊಡನೆ ನೆಂಟ ಬೆಸೆದು

ಎಲ್ಲವನೂ ಮಣ್ಣು ಮಾಡುವ

ಸಮಾಧಿವೀರರು.

ಬಣ್ಣದ ಮಾತುಗಳ ಬಲೂನುಗಳನ್ನು

ಮಾರುತ,

ಕಣ್ಣಲ್ಲೇ ಎಲ್ಲ ಅಳೆಯುವ

ಮಹಾನ್ ಚತುರರು

ನಾವು ,

ನಿಮ್ಮ ಕಾಯುವ ಕುರುಬರು.

-ದೀಪಕ್’

ನಿಮಿತ್ತ

ಇಲ್ಲದ ಬದುಕಲಿ
ನಾನೆಂಬುದನ ತೂರಿಸಿ
ಎಲ್ಲವ,ತುರಿದು
ಭುಜಿಸಿ
ಹೆಚ್ಚಿದಾಗ ಕಕ್ಕಿ
ಗಂಟಿಟ್ಟು
ಅಜೀರ್ಣತೆಯನೂ ಜೀರ್ಣಿಸಿಕೊಂಡು
ಉಣಲು
ಮಕ್ಕಳು ಮರಿಗಳಿಗೆ
ಹಳಸಿದನು ಉಳಿಸಿ,
ಆ ಮರಿ
ಥೂ ಎಂದುಗಿದು,
ಆಸ್ತಿಯ ಕರಗಿಸಿ
ತುಚ್ಛಿಸಿದಾಗ
ಸಮಾಧಿಯೊಳು ನನ್ನಸ್ಥಿ  ಆಳಲಾಗದೆ ಇರಲಾರದೆ
ನಿರ್ಜಿವ

ನಿಮಿತ್ತವೀ ಬದುಕು
ಇಲ್ಯಾವ ಉದ್ದೇಶಗಳಿಲ್ಲ
ಕಾಲಾಹರಣ ,,,
ಮತ್ತೆ ಮಸಣ
ದೀಪಕ್