ಪ್ರೀತಿ

ನಸುಕಲ್ಲಿ ಹರಿದಾ ನಿದ್ರೆ
ವಿಷಯಗಳ ಚಿಂತಿಸುತ ಬಿದ್ದೆ
ಪ್ರೀತೀಯ ಅರ್ಥವನುಡುಕುತ ತಡವರಿಸುತ್ತಿದ್ದೆ

ಗೆಳತಿ ಉಸಿರಿದಳು
ಪ್ರೀತಿ ಮನದ
ಪ್ರತಿಮೆ ಕಣೋ ,
ಪದ ಪದಾರ್ಥವ
ಮೀರಿದ ಭಾವ...
ಪಡೆಯಲೇನೂ
ಇಲ್ಲಾ ಇದರಲಿ;
ಕೊಡುತ
ನಲಿಯುವುದನ್ನ ಕಲಿ;
ತಪ್ಪ ಕ್ಷಮಿಸುವ
ಭಾವವೆ ಪ್ರೀತಿ,
ತಪ್ಪ ಒಪ್ಪುವುದದರಲೊಂದು
ನಿತಿ ,
ಸಿಟ್ಟು ಸೆಡವುಗಳನು ಮೀರಿ ಬದುಕನು
ಮುಂತಳ್ಳುವುದೇ
ಪ್ರೀತಿ,
ಮಹಾತ್ಯಾಗ ಮೂರ್ತಿ  ಕಣೋ
ಕೊಟ್ಟಷ್ಟು ಅರ್ಥಗಳ
ಪಡೆವುದದೊಂದೆ
ನಮ್ಮ ಮಿತಿಯ 
ಮೀರುವುದದೊಂದೆ

ನಿದ್ರೆಭಂಗವಾಗಿ ಎದ್ದವಗೆ
ಬರಲಿಲ್ಲ ಮತ್ತೆ ನಿದ್ರೆ

ಅತ್ತು ಬಿಡಬಾರದೇ

ಇನ್ನೆಷ್ಟು ದಿನ
ಹೆರಿಗೆಯಾಗದ
ಭಾವಗಳ
ಹೊತ್ತು ತಿರುಗುವೆ?

ಕೇಳು,
ಸಣ್ಣ  ನೋವು ಗಳಿಗೂ
ಅತ್ತು ಬಿಡಬೇಕು
ಕಣ್ಣೀರಿಗೇನು
ಗೊತ್ತುಭಾವಾಭಾವ?
ಅದುದರಿದರೆ ಮೂಡುವುದು
ತೃಪ್ತಿಭಾವ

ಕಂಡ ಕನಸುಗಳನೊತ್ತೆಷ್ಟು
ತಿರುಗುವೆ ಹೇಳೆ?
ಸ್ವಲ್ಪ ಬಯಕೆ
ಸ್ವಾರ್ಥಗಳ
ಮೈಗೂಡಿಸಿಕೊ
ಎಲ್ಲ ತೊರೆದ
ಸಂತರಲ್ಲ ನಾವು
ನಮಗಿಂತ ಮುಖ್ಯ
ಬೇರಾವುದೂ ಇಲ್ಲ
ಬೇರೆಯದಲಕ್ಷಿಸುವುದೂ
ಬೇಕಾಗಿಲ್ಲ
ಕೆಲ ಹನಿಗಳನುಳಿಸಿಕೊ
ಹಸಿಯಾಗದಿರೆ
ಒಡಲಿಗೆ ಬೇಕಾದೀತು
ಒಮ್ಮೆ ಅತ್ತು ಬಿಡಬಾರದೇ
-ದೀಪಕ್