ಅಭಿವೃದ್ಧಿ

ಮರ ಕಡಿದರು
ಕಂಬ ನೆತ್ತರು
ತುದಿಗೊಂದು
ಕ್ಯಾಮರ

ನೋವೆಂದು

ನೋವೆಂದು ಕುಳಿತಾರೆ
ಯಾರೀಗೆ ಸುಖ ಉ಼ಂಟೊ
ನೋವಾ ಕಂಡವರೇ
ಜಗವೆಲ್ಲ
ನೋವ ಕಂಡವರೇ
ಜಗವೆಲ್ಲಾ ಇದ್ದಾರು
ನೋವೆಂದು
ಹಲುಬುವರ್ಯಾರಿಲ್ಲ

ನೋವೆಂದು ಹಲುಬುತಾ
ಜೀವಾಬಿಟ್ಟವರಿಲ್ಲ
ಜೀವ ಬಿಟ್ಟವನು ಹಲುಬಿಲ್ಲ
ಜೀವಾ ಬಿಟ್ಟವನು ಹಲುಬಿಲ್ಲ
ಶಿವನಾಣೆ
ನೋವ ಸುಖವಾನವನೆಂದು
ಉಂಡಿಲ್ಲ

ನೋವಾ ದುಃಖವನುಂಡೂ
ಸುಖದಾ ನಿದ್ರೆಯಕಂಡು
ಬಂದಾ ಬದುಕೇ
ಜಯಬದುಕು
ಬಂಧ ಬದುಕೇ
ಜಯಬದುಕು
ಶಿವನಾಣೆ
ಹಲುಬುವಾ ಬದುಕು
ಏನ್ ಬದುಕೊ
-ದೀಪಕ್

ಭೂ'ರಮೆ'

ಮನದೊಳಿದ್ದುದನು ಸುರಿದಳು
ತಾಪ ಆವಿಯಾಯಿತು  ಮರುಗಿ ಮತ್ತೂ ಸೃವಿಸಿದಳು
ನದಿಯಾಗಿ ಹರಿದಳು
ಅವ ಅಷ್ಟೇ ವೇಗಾವಾಗಿ ಹೀರಿಕೊಳ್ಳುತ್ತಲೇ ಹೋದ ಅಂದಿನಿಂದಿಂದಿನವರೆಗೂ ಅವರ ಆಟವಿನ್ನೂ ಮುಗಿದಿಲ್ಲ.

ನನಗೊಂದು ಹೆಸರಿಡು ಗೆಳೆಯ ಸ್ನೇಹಿತ ಮಗ ಅಪ್ಪ ಇನಿಯ ಮಾಮ ಕಾಕ?
ನೀ ಹೀಗೇ ಸುಂದರ ಹುಡುಗಿ
ಹೆಸರು ಕೆಡಿಸುವುದು ನಿನ್ನಂದವ

ಆಕೆ ಬಿಡಲಿಲ್ಲ
ಹೆಸರಿಡೆಂದು ಭೋರ್ಗರೆದಳು
ರಚ್ಚೆಹಿಡಿದಳು
ಸೋನೆಯಾದಳು
ಇವ ಉತ್ತು ಬಿತ್ತಿ
ಬೆಳೆಯುತ್ತ ಹೋದ

ದಣಿದು ವಿಶ್ರಮಿಸಿದಳು
ಇವ ಕಡಿದು ಸುಗ್ಗಿ ಮಾಡಿದ
ಹೆಸರಿಲ್ಲವೆಂಬುದ ನೆನೆದು ಕುದ್ದಳು
ಬೆವರಹನಿಗಳಾದವು
ತುಂತುರು
ರಚ್ಚೆಹಿಡಿವಳೆಂದಿವನು
ನೊಗ ಕಟ್ಟಿ ಸಜ್ಜಾದ
ಮುನಿಸಿಕೊಂಡವಳು
ಹಿಂತಿರುಗಿದಳು
***
ಬರುವಳೆಂದು ಕಾಯ್ದ
ಕಾದು ಬೆಂಡಾದ
ಕೊರಗಿದ
ಮರುಗಿದ
ನರಳಿದ
ಕಂಗಾಲಾದ
ಬಾರೆಂದು
ಬೇಡಿದ
ಕಾಡಿದ
ಹೆಸರಿಡುವೆನೆಂದ
ಪೂಜಿಸುವೆನೆಂದ
ಸ್ತುತಿಸುವೆನೆಂದ

ಹೆಸರಿಡಬೇಕೆಂದಳು
ನಿತ್ಯ ನಮಿಸೆಂದಳು
ಭಜಿಸಬೇಕೆಂದಳು
ಭುಜಿಸಬೇಕೆಂದಳು
ಪೂಜಿಸಬೇಕೆಂದಳು
ಇವನೆಲ್ಲವನೊಪ್ಪಿದ
ಅವಳಡಿಯಾಳಾದ
**

ಯುಗ ಯುಗಗಳಾದರು
ಇನ್ನೂ ಮುಗಿದಿಲ್ಲ
ಇವರ ಚಕ್ಕಂದ
ಇವನವಳ ಕಂದ
ಇವರ ಜೋಡಿ
ಬಲು ಚಂದ

-ದೀಪಕ್

ದೊಡ್ಡವರು

ಇವರು ದೊಡ್ಡವರು
ಬೆಳೆದಪ್ರೌಢರು
ಡೊಂಕಕೀಯ್ವ ಬೆಲೆ
ಸುಂಕಕಿಲ್ಲ

ಸಿಹಿರೋಗಿಗು ಬೇಕು
ಪಾಕದಲಿದ್ದಿಹ ಕಬ್ಬು
ಮೆಂತೆಹಾಗಲಗಳಿವರಿಗೆ ಗಬ್ಬು

ಏಣಿ ಹಿಡಿವವಬೇಕು
ಮೇಲಕೇರೆ
ಹೇಳದಿರುವವ ಬೇಕು!

ಎಚ್ಚರಿಸುವವ ಬೇಕು
ಎಬ್ಬಿಸದಂತಿರಬೇಕೆಬ್ಬಿಸಿ

ಸೆರೆ ಬೇಕು
ಸೆರಗು ಬೇಕು
ಬೆಳಗದುಸುಕಲಿರಬೇಕು

ತಳ್ಳು

ತಳ್ಳುತ ದೂರ ದೂರ
ನೀಸನಿಹವಿರೆಂದು ದೂರ
ಹೇಳಿದುದ ಮರೆಯದೆಬಾರ
ಮರೆತೇಕಿದೆಂದು ದೂರ
ನಂಬದಿರೆ ಹೊಣೆಯಾರ
ಅಲ್ಲುಳಿವುದು ಬರೀ ತಕರಾರ
ಒಡಗೂಡುವುದು ಕಹಿನಾರು
ಮನಸು ದೂರ ದೂರ
ಸಂಬಂಧಗಳಾರುವುವು ದೂರ
ಮತ್ತೆ ದೂರದೂರ ಎಂಬ ದೂರ
ದೂರದಾಚೆಗಿನ ಬದುಕ ಸುಂದರ
ತೊರೆನೀ ದೂರ
ನೋಡು ಬಾರ
ನೀ ಒಲವತೋರ