ಹನಿ ಹನಿ

ಹೇಳು ಹುಡುಗಿ
ಇನ್ನೆಷ್ಟುದಿನ
ಸ್ತುಪ್ತ ಪ್ರೇಮವನದುಮಿ
ಬದುಕುವೆ?
ಬದುಕು ವಿಷಮಚಕ್ರ
ಕಹಿ ಸಿಹಿ ಯಾಗಬೇಕು
ಸಿಹಿ ಸಪ್ಪೆಯಾಗಲೇಬೇಕು
ಮೂಢತೆಗೆ ಕಹಿಯಾದೀತು
ಹುಷಾರ್!
***

ದಿನ ರಾತ್ರಿಗಳ
ಲೆಕ್ಕಹಿಡಿದು
ನೋಡಿದೆ
ನಾವು ಸಂಧಿಸದ
ಸಮಯವೇ ಇಲ್ಲ
ನಮ್ಮಭೇಟಿ
ಇನ್ನೂ ಮಾಗಿಲ್ಲ
***
ನಾನು ನೀನು
ಹಳಿ ಗಳಿದ್ದಂತೆ
ಕಣೆ ಹುಡುಗಿ
ಪಕ್ಕದಲ್ಲಿದ್ದರೂ
ಭೇಟಿ ಇಲ್ಲವೆನಿಸುವುದು

***
ಶೂನ್ಯ ಬದುಕಿಗೆ ಕಾಮಾಕೃತಿ
ನೀಡಿ
ಸೂಜಿಗಲ್ಲ ಸೆಳೆತ
ನಿನ್ನಲಿ ತುಂಬಿತಲ್ಲ
ಪ್ರಕೃತಿ ನಲ್ಲೇ!
ನನಗೆಂದೆಂದಿಗೂ
ಸೂಜಿಗಕಣೆ,
ನೀನೆಂದರೆ ಪ್ರಕೃತಿ
ಅದಕೆ
***
ದೀಪಕ್

ಯಾರು ನೀ?

ಮನದಿ ನಿನ್ನ ಜಪವಮಾಡಿ
ತಿಳಿದವಿದ್ಯೆಯಲ್ಲಹೂಡಿ
ಸಮಯವನ್ನು ಹುಡುಕಿಕೂಡಿ
ತಪವ ನೀಗುತಿದ್ದೆವು

ಬೊಮ್ಮಬರೆದ ಸಮಯ ಬರಲು
ಆಸೆಗಳು ಎಲ್ಲ ಬೋರಲು
ಕಲಿತವಿದ್ಯೆ ಅಣಕುವಂತೆ
ಜೀವಜಾರುತಿದ್ದಿತು

ಚಳಿಯ ಮಾಸದಲ್ಲಿ ಬಂದೆ
ಮಾಸುತಿದ್ದ ನೆನಪುಗಳನುತಂದೆ
ಉದುರಿದೆಲೆಯ ನಡುವೆನಿಂದೆ
ಕಳೆದು ಕೊಂಡ ಆಸೆಗಳನು
ಮುಟ್ಟಿ ಚಿಗುರಿಸುತಿರುವೆ ನೀ

ನೀನು ಬರುವಸುದ್ದಿ ತಿಳಿದು
ಬಳಗವೆಲ್ಲ ಸೇರಿ ನಲಿದು
ನಿನ್ನ ನೋಡಲೆಂದು ಮಂದಿ
ತವಕಿಸುತಿರಿರುವರು
ಬೇಗಬಾರ ಮೊಗವ ತೋರ
ಕಾಯ್ವಿಕೆಯು ಬಲುಭಾರ
ವಿಧಿನಿಯಮ ಮೀರಲಾಗದ
ನಾವದರ ದಾಸರು

ಸುಳ್ಳುಗಾರ

ನೀನು ನನ್ನ ಜೊತೆ
ಸುಳ್ಳು ಹೇಳ್ತಿಯಾ?

ನಾನು ಸುಳ್ಳು ಹೇಳ್ತೀನಿ
ಸತ್ಯನು ಹೇಳ್ತೀನಿ
ನನಗೆ  ಸತ್ಯ ಸುಳ್ಳುಗಳಿಗಿಂತ
ಮಾನವ ಸಂಬಂಧ
ಮುಖ್ಯ
ಸತ್ಯ ಸುಳ್ಳು ಅಸಂಬದ್ಧ
***
ಬೆಳವಣಿಗೆಯಲಿ
ಭ್ರೂಣವು 
ಮಿಲಿಯ ವರ್ಷದ
ಮೊದಲ ಜೀವದಿಂದ
ಇಂದಿರುವ
ಆಕಾರದವರೆಗೂ 
ಬೆಳೆಯುತ್ತದೆ!
***

ನನ್ನ ನಾಳಿನ ಕೂಸಿಗೆ

ನಿನ್ನಯ ಬರುವು ನನಗೆ
ಕ್ಷಿಪ್ರ ಹಾಡಾಗುತಿದೆ
ಕಾಣದ ಕೇಳದ ದನಿಯು
ಸಾವಿರ ರೂಪ ಮೂಡಿಸಿದೆ

ಬೆಳೆಸಲೇನಿದೆ ನಿನ್ನ
ಬೆಳೆಯುವೆ ನೀನೇ ಚಿನ್ನ
ಅದ ನೋಡುವುದೇ ಚೆನ್ನ

ಸಮಾಜಪಘಾತಗಳಿಂದ
ತಡೆಯಬೇಕಿದೆ ನಿನ್ನ
ಬೆಳೆವ ಸುಮಕೆಬೇಕೆ
ಅರಳುವ ಪಾಠಪ್ರವಚನ?

ಮುಗ್ಧತೆಯೇ ಜೀವಕಳೆ

ನೀಹುಟ್ಟಿದ ಸುಖವ
ಮೊದಲುನೀ ಅನುಭವಿಸು
ನಿನ್ನಲಿಹುದಾ ಹಂಚಿ
ಜಗವನ್ನು ಸಿಹಿಮಾಡು

ಶಾಶ್ವತರಿಲ್ಲಿಲ್ಲ
ಶಾಶ್ವತೆಇಲ್ಲಿಲ್ಲ
ಪಂಚಭೂತವೀದೇಹ
ರಸ ಕಾಮನೆಗಳತಾಣ
ಬೇಕು ಬಯಕೆಯ ಮುಂದೆ
ದುಮ್ಮಾನಗಳ ಸಂತೆ

ಹಂಚಿಕೊಳುವಾಖುಷಿಯ
ಕೂಡುವುದಕೊಡಲೊಲ್ಲ
ಕಲೆತುನಲಿ ನೀಡಿಕಲಿ
-ದೀಪಕ್

ಮನದಿ ನಿನ್ನ ಜಪವ ಮಾಡಿ

ಮನದಿ ನಿನ್ನ ಜಪವ ಮಾಡಿ
ತಿಳಿದ ವಿದ್ಯೆ ಎಲ್ಲ ಹೂಡಿ
ಸಮಯವನ್ನ ಹುಡುಕಿ ಕೂಡಿ
ತಪವನೀಗುತ್ತಿದ್ದೆವು

ಬೊಮ್ಮ ಬರೆದ ಸಮಯ ಬರದೆ
ಆಸೆ ನಿರೀಕ್ಷೆಗಳೆಲ್ಲ ಬೋರಲು
ಕಲಿತವಿದ್ಯೆ ಅಣಕುವಂತೆ
ಜೀವ ಜಾರುತಿದ್ದಿತು

ಚಳಿಯ ಮಾಸದಲ್ಲಿ ಬಂದೆ
ಮಾಸುತ್ತಿದ್ದ ನೆನಪ ತಂದೆ
ಒಣಗಿದೆಲೆಯ ನಡುವೆ ನಿಂದೆ
ಮುಟ್ಟಿ ಚಿಗುರಿಸುವಂತೆ ನೀ

ನೀನು ಬರುವ ಸುದ್ದಿ ತಿಳಿದು
ಬಂಧು ಬಳಗ ಸೇರಿ ನಲಿದು
ನಿನ್ನ ಮೊಗವ ಎದುರುಗೊಳ್ಳಲೆಲ್ಲ ತವಕಿಸುತ್ತಿರುವರು

ಬೇಗ ಬಾರ ಮೊಗವ ತೋರ
ಕಾಯ್ವಿಕೆಯು ಬಲುಭಾರ
ವಿಧಿಯ ನಿಯಮ
ಮೀರಲಾಗದೆ
ನಾವದರ ದಾಸರು
-ದೀಪಕ್

ಎದಿಯೊಳಗ

ಏನಿಲ್ಲ ಎದಿಯೊಳಗೆ
ನೋಡೋ ಹೈದ
ಮಾತುಮಾತಿಗೆ
ಕೊಂಕ ತೆಗೆಯಬೇಡ

ರುಚಿಸದ ಸಾಗರದಲಿ
ನಿನ್ನ ಹಾಯಿ ದೋಣಿ
ಉಸಿರಿರದಾಗಸಕೆ
ನಿನ್ನ ಹವಾಯಿಜಹಜು

ಎಲ್ಲೆಲ್ಲು ಇರುವೆ ನಾ
ಅರಿವ ವಿಸ್ತರಿಸು
ಸೌಂದರ್ಯ ಸವಿವುದು
ನಿನ್ನಜನ್ಮಸಿದ್ಧಹಕ್ಕು

ಸಾವಿನಾಮಾತೇಕೊ
ಹುಚ್ಚು ಹೈದ
ದೇಹಭಾವಗಳ
ಬಿಡಿಬಿಡಿಸಿನೋಡೊ

ಏನೇನೂಇಲ್ಲ
ಎದಿಯೊಳಗೆ
ನೋಡೋ ಹೈದ
ಮಾತುಮಾತಿಗೆ
ಕೊಂಕ ತೆಗೆಯಬೇಡ
-ದೀಪಕ್