ನೀನಿಲ್ಲ

ನಿತ್ಯ ಇದೇ ಉಗಿಬಂಡಿಯಲ್ಲಿ ಕಳೆದ ಹತ್ತು ವರ್ಷಗಳಿಂದ ಓಡಾಡುತ್ತಿರುವುದು. ಹೆಚ್ಚು ಬದಲಾವಣೆ ಕಾಣದ ಬದುಕು. ನಾಕು ರೂಪಾಯಿ ಇದ್ದ ಚಾರ್ಜ್ ಹತ್ತು ರೂ ಆಗಿದೆ. ಮಾಸಿಕ ಚಂದ ಕೂಡ ಕಡಿಮೆ ಮೊತ್ತವೇ. ಈಗ ತಿಂಗಳಿಗೆ ೯೦ ರೂ ಮೊದಲು ೬೦ರೂಪಾಯಿ ಇತ್ತು. ಬಂಡಿಯಲ್ಲಿ ಪ್ರಯಾಣಿಸಲು ಕೊಡುವ ಮೊತ್ತ ಅತ್ಯಲ್ಪ. ಬಸ್ಸಿನಲ್ಲಿ ಪ್ರಯಾಣ ಎಂದರೆ ದಿನಕ್ಕೆ ೬೦ರೂಪಾಯಿ ಅಥವಾ ತಿಂಗಳಿಗೆ ೧೨೦೦ರೂಪಾಯಿಗಳು.  ಎಡರುಬದರಾಗಿ ಕೂತು ಪ್ರಯಾಣಿಸುವ ಬಂಡಿಯೆ ಬಲು ಮೋಜಿನದು.ನನ್ನ ಎದುರು ನೀನು ನಿನ್ನ ಎದುರು ನಾನು ಕುಳಿತು ಅದೆಷ್ಟು ಸಂವತ್ಸರಗಳು ಕಳೆದಿರುವೆವು.ಕೂದಲುಕಪ್ಪಿದ್ದಾಗಿನ ವಯಸ್ಸಿನಿಂದ ಕಪ್ಪು ಹಚ್ಚುವ ವೂಯಸ್ಸಿನವರೆಗೂ ಬಂಡಿಯಲ್ಲಿ ಅದೇ ಮಾರ್ಗವಾಗಿ ಪಯಣಿಸುತ್ತಿದ್ದೇವೆ.  ಎದುರಿನ ಖಾಲಿ ಸೀಟಿನಲ್ಲಿ ನೀನಿರುವೆ ಎಂದು ಭ್ರಮಿಸಿ ಪ್ರಯಾಣಿಸುವುದು ಏನೋ ಜೊತೆಗಿರುವೆ ಎನ್ನುವ ಭಾವ ಮೂಡಿಸುತ್ತದೆ.